باختصــــــــــــــار

باختصار

اتخدعت بجد فيكى

ياللى كان قلبى شاريكى

واتخيلت انى معاكى

هابتدى اعشق حياتى

وانسى احزانى واهاتى

بس كان حبك مرار

باختصار

كنتى ليه كل شئ

كنتى نورى ف الطريق

كنتى قصة حب حلوه

كنتى ليه احلى غنوه

وانتى خونتينى بقوه

وقدتى جوا ضلوعى نار

باختصار

عشت فيكى احلى كدبه

قلبى كان ف ايديكى لعبه

كنت مصدق وعودك

كنت حافظلك عهودك

وانتى بتعلى ف سدودك

وسايبه قلبى ف انكسار

باختصار

عمرى ما هافضل شاريكى

والخداع بقى طبع فيكى

ايوه هاخرج من سكاتى

ايوه راح اهجر سماكى

ايوه بعدك عن حياتى

هو ده اخر قرار