My Photo
Name:
Location: Egypt

انا واحد من البشر حلمى كان السفر جوا ضمايركم او ينطق الحجر

Wednesday, September 06, 2006

بهــــــــــــــــــــــــــــــــــانه الجعـــــــــــــــــــــانه

الواد شحته ابن بهانه

امه كانت سيت غلبانه

طلبت يوم تشوف اللحمه

وبعتت طلب للوزاره

بامضاء بهانه الجعانه


بعد 55 سنه

ردوا عليها قالولها تعالى

مكتوبلك يا سيتى الهنا

اصلوكوا شعب علينا غالى

قالت يا رب يسعدكم

ومن الطيبه دى ما يحرمكم

قالت بس ليه طلب

قالولها تسلمى على مولانا؟؟؟

بصتلهم بصه عجب

قالتلهم هو انا طمعانه

انا بس عاوزه المسها

اللحمه وبايدى احضنها


قالولها طلبك مرفوض

انتى كده بتخطى حدود

اللحمه دى منطقه محذوره

واخرك تشوفيها ف الصوره

قالت يا بنى خلاص انا اسفه

اصلى جاهله ومعذوره

قاموا طردوها وعانوا الصوره

وطلع مولانا على المقصوره


قال كلمه اخيره للشعب

اللى ماعندوش ريحة الدم

ادى بهانه طمعت فينا

اما الشعب ده ظالم ظلم


وقال مولانا قرار جمهورى

ممنوع ياكل الشعب لعام

قولت يا لاهوى الكشرى ف زورى

قالى طلع الكشرى قوام

بس الكشرى نزل بطنى

قالى بتعصى يا خاين امرى


خدوه وارموا ف زنزانه

هو وكل الشعب الخاين

وخدواواحبسوا البت بهانه


جوه السجن ملايين كنا

وبكرباج الفقر جلدنا

ومن كتر الهم صرخنا

نزف الدم ومات الكل

وحكومتنا عايشه ف الظل

واللعبه بانت وفهمنا

مهما قولنا واتكلمنا

السياف ضارب اعناقنا

وف ايدنا ربطولنا قيدونا

وجوه جناجرنا خلاص قدروا

يكتموا فينا صرخنا وصوتنا

عايشين موته ومش عايشين

وناقصنا شهاده لوفتنـــــــــا

25 Comments:

Blogger توهة said...

أقول ايه بس
الوحى ده منى هاربان
زى اللحم من بهانه قرفان

بهانه هى الغلطانه
طالبه لحمه يا جربانه

طب إطلبى على قدك
عيش بلدى مقدد

معجون بمية عفاريت
وفران براص وبراغيت


فانتازياااااااااااااااااااااااا

4:33 PM  
Blogger مفلس افندى الرايق said...

ههههههههههههههههههه

لا تصوم احسن يا سيتى

براص وبراغيت ايه

فكرتينى بواحده صاحبتى

كانت لما تضيع من راسها قمله

تصرخ وتقولى يا دهوتىىىىىىىىىىى

4:54 PM  
Blogger مفلس افندى الرايق said...

http://mfaysal.blogspot.com/

4:55 PM  
Blogger كلبوزة لكن سمباتيك said...

ههههههههههههههههه
حلوة يا بهانة
و حلوة يا فانتازيا
--
مسكينة بهانة كان حلمها تاكل لحمة
في وسط الناس و الزحمة
اتحول حلمها كابوس
علشان رفضت ايده تبوس

مسكين الشعب المصري محروم
بيقضي حياته هموم
و ان يوم حلم
يجي اللي يصحيه
قوم

خالص تحياتي

6:02 PM  
Blogger sara... said...

يا عينى يا ربى ماتت الست المسكينه..
الله يرحمها ويرحم ضحايا اللحمه فى كل مكان على وجه الارض..
فى السيده زبنب..بولاق..عابدين..حلوان...وغيرها من الاماكن البعيده
بس دى حتى اللحمه بتجيب امراض ..بلاها

9:01 PM  
Blogger مفلس افندى الرايق said...

كلبوزة لكن سمباتيك
ههههههههههههه مش عارف مجرد ما بشوف اسمك بضحك لانى عارف روحك الجميله وكلامك المرح تصدقى انتى موهوبه اكتر منى طيب ماتجربى الزجل ده عندك ف المدونه مره وورينا بقى الموهبه

وانا هاقف جنبك يا بنتى فى اول طريق الشهره وان شاء الله مع بعض هنوصل للقمه هنوصل للسطوح وف الاخر نرمى بعض من فوق




sara

ضحايا اللحمه يا ساره

مش بس اللى ساكنين ف حاره

ده اللى ساكنين ف مدن

واللى عندهم عماره

كله مابقاش يشوف اللحمه

الا بالقطاره

انا بقى هابقى نباتى

وهاوزع مناب على الاكل كل واحد خياره

12:18 AM  
Blogger KING TOOOT said...

بهانة عاشت حلمها كان كله لحمة
و الحلم ده عامل مابين الكل أزمة
فيه ناس تبيع عشانه كل عزيز و غالي
و ناس تشوفه تقول عليه مالوهش لازمة
و عجبي
KING TOOOT

1:58 AM  
Blogger مفلس افندى الرايق said...

KING TOOOT

عجبى كمان على اللبان

بعد ما كان التلاته بشلن

بقى الباكو لبان بريال

يبقى لا نمضغ لحمه ولا لبان

وكفايه تعيش وسط الزحمه

وتقول انا جعان

تلاقى واحد بعتلك جزمه

ويقولك خد ف وشك

هى ناقصاك انت كمان

جاى وطالب منى حنان

3:16 AM  
Blogger moorgen said...

مفلس
:):)
ايه يا بنى انت سبت ضحايا القطارات والعبارات والحرايق وروحت لضحايا اللحمه
شكلك كدا عايز تقضيها عيش وحلوة
ومن امتى كان الطريق بين الحكومه والشعب مش مسدود
كل حاجة بطلب وبعد سنين الطلب مرفوض
او م الخدمه مرفوع

مهما تصرخ ولا تقول صوتك جواك مش مسموع

الناس مش عايزة اللى يفكرها

3:18 AM  
Blogger أجدع واحد في الشارع said...

هههههههههههههههههههههه
والله انت مشكله

12:57 PM  
Blogger admelmasry said...

ياجميل ياريق
بص يا سيدي جميل الشغل طبعا
ما فيش كلام

لكن انت اكيد انت عارف انه لسه بدري عليك

يا عني انت في اول الطريق يا استاااذ
وما تفرحش بالكلام الحول قد ما تفرح بالكلام الوحش لانه هو اللي هيعرفم انت فين من الناس

تحياتي

2:15 PM  
Blogger مفلس افندى الرايق said...

moorgen

انا سيبت الضحايا اللى ماتت وقولت اتكلم عن باقى الشعب اللى بيموت كل يوم الف مره

أبن الشارع

شكرا جدا يا باشا وبجد المدونه نورت بتعليقك


admelmasry

كلامك تمام وانا والله اتمنى اى حد يقولى على اى غلط واصلحه ده يبقى شرف ليه وميرسى جدا على وجودك وتعليقك

3:31 PM  
Anonymous Anonymous said...

يااااااااا خرااااااشى
لا هو انتوا كماااان طمعانين فى شهادة وفاة؟؟
دة انتوا بجد افتريتوا
تكلفوا الحكومة ورق وحبر وطبع وكل الهبولات دى؟
ليلتكم اسود من قعر الحلة يا شعب عاوزة تنكسر على راسه قلة
قال كمان مش كفاية بتشوفوا صورة اللحمة
كمان عاوزين تموتوا وقال اية؟ نتكفل احنا بشهادات ميلادكم
جاتكو القرف مليتوا البلد


------
حلو البتاع دة

3:58 PM  
Blogger مفلس افندى الرايق said...

شهروزة

ازيك يا بنتى تصدقى بقول ف حاجه ناقصانى اتارى ياختى المدونه ناقصها تعليقك

نورتى
معاكى ربع جنيه سلف بقى

المفلس اللى على مقاسك موجود وعنده مدونه ها ينفع؟؟؟

5:07 PM  
Blogger shady said...

لا يا راجل نزار اعلنها من زمان وفاة العرب

وبما اننا نختلف عن اغلب العرب باضافة الجوع والجرب
يبقى احنا متنا من زمان



اخوك شادى من التربة اللى فى الشارع اللى وراكم

6:08 PM  
Blogger مفلس افندى الرايق said...

كويس انك لاقى تربك تلمك يا عم

عاوز ايه تانى يا طماع اوعى تقول بــم

حكومه موفرالك تربه تعيش ميت فيها

يبقى الحكومه تشكر بقى والشعب ده يحط لسانه فى خشمه ويتلــــــم

3:24 AM  
Anonymous Anonymous said...

واد يا مفلس
عاوزة المفلس اللى زى حالاتى وعلى مقاسى كدة تكون مدونتة تمليك
مش ايجار جديد عشان حركات اخر الشهر وكدة يعنى
ولو شبهك كدة يا بطة وتقاطيعه تخبل كدة يبقا خير وبركة
---------
عارفة انى منوراك
عشان جايبة الشمع بتاعى معايا
النجع بتاعنا لسة موصلتوش كهربا
بس بجد ؟؟ حلو البتاع دة برضوو

12:29 PM  
Blogger مفلس افندى الرايق said...

شهروزة

يا باشا انتى منوره من غير شموع

دانا من غيرك ببقى ف الظلمه منقوع

اوكى طلباتك متوفره بس انتى قشرى مدونه تمليك وهاخليكى اميره على عرشها

4:08 PM  
Blogger LAMIA MAHMOUD said...

ههههههههههههههههه

4:27 PM  
Blogger توهة said...

يوووووه هى بهانه لسه حعانه



طيب ا نا جبتلها لحم مستورد معتبر
خنازيرى مفتخر

عليه طبعة أمريكا
ورقصيها يا مزيكا

أمريكا إيديها فى كل مكان
طلعالنا فى اللحمه كمان

قول على الدنيا السلام
وبكده يخلص الكلام



فانتازياااااااااااااااااااااااااا
فانتازياااااااااااااااااااااا

4:36 PM  
Blogger مفلس افندى الرايق said...

LAMIA MAHMOUD

نورتى المدونه وشرفتيها

لو معاكى حتة لحمه حطيها

ولو مامعكيش طلعى بريزه حتى

وللغلابه سبيها

الكروان يغنى فانتازيا

امريكا شيكا بيكا

واللحمه من امريكا

والضرب من امريكا

وكل دم بيستباح

ان كان حرام ولا مباح

كله بايد امريكا

5:39 PM  
Blogger أجدع واحد في الشارع said...

ايه هو احنا مش هنشوف اخت بهانة ولا ايه

8:17 PM  
Blogger مفلس افندى الرايق said...

أجدع واحد في الشارع

هتشوف اخت بهانه والعيله كلها بس ابقى غمض عيونك علشان صاحبنا بيغار على عرض شعبه

ومابيحبش حد يشوفه غير سيادته

نورت المدونه وشرفتها

1:31 AM  
Blogger سندباد مصري said...

لا رايق فعلا

ما هو الكلام ده

لازم يخرج من واحد رايق

6:20 AM  
Blogger مفلس افندى الرايق said...

سندباد مصر

تسلم يا باشا وربنا يروقنا اكتر

4:16 PM  

Post a Comment

Subscribe to Post Comments [Atom]

<< Home