بهــــــــــــــــــــــــــــــــــانه الجعـــــــــــــــــــــانه
الواد شحته ابن بهانه
امه كانت سيت غلبانه
طلبت يوم تشوف اللحمه
وبعتت طلب للوزاره
بامضاء بهانه الجعانه
بعد 55 سنه
ردوا عليها قالولها تعالى
مكتوبلك يا سيتى الهنا
اصلوكوا شعب علينا غالى
قالت يا رب يسعدكم
ومن الطيبه دى ما يحرمكم
قالت بس ليه طلب
قالولها تسلمى على مولانا؟؟؟
بصتلهم بصه عجب
قالتلهم هو انا طمعانه
انا بس عاوزه المسها
اللحمه وبايدى احضنها
قالولها طلبك مرفوض
انتى كده بتخطى حدود
اللحمه دى منطقه محذوره
واخرك تشوفيها ف الصوره
قالت يا بنى خلاص انا اسفه
اصلى جاهله ومعذوره
قاموا طردوها وعانوا الصوره
وطلع مولانا على المقصوره
قال كلمه اخيره للشعب
اللى ماعندوش ريحة الدم
ادى بهانه طمعت فينا
اما الشعب ده ظالم ظلم
وقال مولانا قرار جمهورى
ممنوع ياكل الشعب لعام
قولت يا لاهوى الكشرى ف زورى
قالى طلع الكشرى قوام
بس الكشرى نزل بطنى
قالى بتعصى يا خاين امرى
خدوه وارموا ف زنزانه
هو وكل الشعب الخاين
وخدواواحبسوا البت بهانه
جوه السجن ملايين كنا
وبكرباج الفقر جلدنا
ومن كتر الهم صرخنا
نزف الدم ومات الكل
وحكومتنا عايشه ف الظل
واللعبه بانت وفهمنا
مهما قولنا واتكلمنا
السياف ضارب اعناقنا
وف ايدنا ربطولنا قيدونا
وجوه جناجرنا خلاص قدروا
يكتموا فينا صرخنا وصوتنا
عايشين موته ومش عايشين
وناقصنا شهاده لوفتنـــــــــا
امه كانت سيت غلبانه
طلبت يوم تشوف اللحمه
وبعتت طلب للوزاره
بامضاء بهانه الجعانه
بعد 55 سنه
ردوا عليها قالولها تعالى
مكتوبلك يا سيتى الهنا
اصلوكوا شعب علينا غالى
قالت يا رب يسعدكم
ومن الطيبه دى ما يحرمكم
قالت بس ليه طلب
قالولها تسلمى على مولانا؟؟؟
بصتلهم بصه عجب
قالتلهم هو انا طمعانه
انا بس عاوزه المسها
اللحمه وبايدى احضنها
قالولها طلبك مرفوض
انتى كده بتخطى حدود
اللحمه دى منطقه محذوره
واخرك تشوفيها ف الصوره
قالت يا بنى خلاص انا اسفه
اصلى جاهله ومعذوره
قاموا طردوها وعانوا الصوره
وطلع مولانا على المقصوره
قال كلمه اخيره للشعب
اللى ماعندوش ريحة الدم
ادى بهانه طمعت فينا
اما الشعب ده ظالم ظلم
وقال مولانا قرار جمهورى
ممنوع ياكل الشعب لعام
قولت يا لاهوى الكشرى ف زورى
قالى طلع الكشرى قوام
بس الكشرى نزل بطنى
قالى بتعصى يا خاين امرى
خدوه وارموا ف زنزانه
هو وكل الشعب الخاين
وخدواواحبسوا البت بهانه
جوه السجن ملايين كنا
وبكرباج الفقر جلدنا
ومن كتر الهم صرخنا
نزف الدم ومات الكل
وحكومتنا عايشه ف الظل
واللعبه بانت وفهمنا
مهما قولنا واتكلمنا
السياف ضارب اعناقنا
وف ايدنا ربطولنا قيدونا
وجوه جناجرنا خلاص قدروا
يكتموا فينا صرخنا وصوتنا
عايشين موته ومش عايشين
وناقصنا شهاده لوفتنـــــــــا
25 Comments:
أقول ايه بس
الوحى ده منى هاربان
زى اللحم من بهانه قرفان
بهانه هى الغلطانه
طالبه لحمه يا جربانه
طب إطلبى على قدك
عيش بلدى مقدد
معجون بمية عفاريت
وفران براص وبراغيت
فانتازياااااااااااااااااااااااا
ههههههههههههههههههه
لا تصوم احسن يا سيتى
براص وبراغيت ايه
فكرتينى بواحده صاحبتى
كانت لما تضيع من راسها قمله
تصرخ وتقولى يا دهوتىىىىىىىىىىى
http://mfaysal.blogspot.com/
ههههههههههههههههه
حلوة يا بهانة
و حلوة يا فانتازيا
--
مسكينة بهانة كان حلمها تاكل لحمة
في وسط الناس و الزحمة
اتحول حلمها كابوس
علشان رفضت ايده تبوس
مسكين الشعب المصري محروم
بيقضي حياته هموم
و ان يوم حلم
يجي اللي يصحيه
قوم
خالص تحياتي
يا عينى يا ربى ماتت الست المسكينه..
الله يرحمها ويرحم ضحايا اللحمه فى كل مكان على وجه الارض..
فى السيده زبنب..بولاق..عابدين..حلوان...وغيرها من الاماكن البعيده
بس دى حتى اللحمه بتجيب امراض ..بلاها
كلبوزة لكن سمباتيك
ههههههههههههه مش عارف مجرد ما بشوف اسمك بضحك لانى عارف روحك الجميله وكلامك المرح تصدقى انتى موهوبه اكتر منى طيب ماتجربى الزجل ده عندك ف المدونه مره وورينا بقى الموهبه
وانا هاقف جنبك يا بنتى فى اول طريق الشهره وان شاء الله مع بعض هنوصل للقمه هنوصل للسطوح وف الاخر نرمى بعض من فوق
sara
ضحايا اللحمه يا ساره
مش بس اللى ساكنين ف حاره
ده اللى ساكنين ف مدن
واللى عندهم عماره
كله مابقاش يشوف اللحمه
الا بالقطاره
انا بقى هابقى نباتى
وهاوزع مناب على الاكل كل واحد خياره
بهانة عاشت حلمها كان كله لحمة
و الحلم ده عامل مابين الكل أزمة
فيه ناس تبيع عشانه كل عزيز و غالي
و ناس تشوفه تقول عليه مالوهش لازمة
و عجبي
KING TOOOT
KING TOOOT
عجبى كمان على اللبان
بعد ما كان التلاته بشلن
بقى الباكو لبان بريال
يبقى لا نمضغ لحمه ولا لبان
وكفايه تعيش وسط الزحمه
وتقول انا جعان
تلاقى واحد بعتلك جزمه
ويقولك خد ف وشك
هى ناقصاك انت كمان
جاى وطالب منى حنان
مفلس
:):)
ايه يا بنى انت سبت ضحايا القطارات والعبارات والحرايق وروحت لضحايا اللحمه
شكلك كدا عايز تقضيها عيش وحلوة
ومن امتى كان الطريق بين الحكومه والشعب مش مسدود
كل حاجة بطلب وبعد سنين الطلب مرفوض
او م الخدمه مرفوع
مهما تصرخ ولا تقول صوتك جواك مش مسموع
الناس مش عايزة اللى يفكرها
هههههههههههههههههههههه
والله انت مشكله
ياجميل ياريق
بص يا سيدي جميل الشغل طبعا
ما فيش كلام
لكن انت اكيد انت عارف انه لسه بدري عليك
يا عني انت في اول الطريق يا استاااذ
وما تفرحش بالكلام الحول قد ما تفرح بالكلام الوحش لانه هو اللي هيعرفم انت فين من الناس
تحياتي
moorgen
انا سيبت الضحايا اللى ماتت وقولت اتكلم عن باقى الشعب اللى بيموت كل يوم الف مره
أبن الشارع
شكرا جدا يا باشا وبجد المدونه نورت بتعليقك
admelmasry
كلامك تمام وانا والله اتمنى اى حد يقولى على اى غلط واصلحه ده يبقى شرف ليه وميرسى جدا على وجودك وتعليقك
يااااااااا خرااااااشى
لا هو انتوا كماااان طمعانين فى شهادة وفاة؟؟
دة انتوا بجد افتريتوا
تكلفوا الحكومة ورق وحبر وطبع وكل الهبولات دى؟
ليلتكم اسود من قعر الحلة يا شعب عاوزة تنكسر على راسه قلة
قال كمان مش كفاية بتشوفوا صورة اللحمة
كمان عاوزين تموتوا وقال اية؟ نتكفل احنا بشهادات ميلادكم
جاتكو القرف مليتوا البلد
------
حلو البتاع دة
شهروزة
ازيك يا بنتى تصدقى بقول ف حاجه ناقصانى اتارى ياختى المدونه ناقصها تعليقك
نورتى
معاكى ربع جنيه سلف بقى
المفلس اللى على مقاسك موجود وعنده مدونه ها ينفع؟؟؟
لا يا راجل نزار اعلنها من زمان وفاة العرب
وبما اننا نختلف عن اغلب العرب باضافة الجوع والجرب
يبقى احنا متنا من زمان
اخوك شادى من التربة اللى فى الشارع اللى وراكم
كويس انك لاقى تربك تلمك يا عم
عاوز ايه تانى يا طماع اوعى تقول بــم
حكومه موفرالك تربه تعيش ميت فيها
يبقى الحكومه تشكر بقى والشعب ده يحط لسانه فى خشمه ويتلــــــم
واد يا مفلس
عاوزة المفلس اللى زى حالاتى وعلى مقاسى كدة تكون مدونتة تمليك
مش ايجار جديد عشان حركات اخر الشهر وكدة يعنى
ولو شبهك كدة يا بطة وتقاطيعه تخبل كدة يبقا خير وبركة
---------
عارفة انى منوراك
عشان جايبة الشمع بتاعى معايا
النجع بتاعنا لسة موصلتوش كهربا
بس بجد ؟؟ حلو البتاع دة برضوو
شهروزة
يا باشا انتى منوره من غير شموع
دانا من غيرك ببقى ف الظلمه منقوع
اوكى طلباتك متوفره بس انتى قشرى مدونه تمليك وهاخليكى اميره على عرشها
ههههههههههههههههه
يوووووه هى بهانه لسه حعانه
طيب ا نا جبتلها لحم مستورد معتبر
خنازيرى مفتخر
عليه طبعة أمريكا
ورقصيها يا مزيكا
أمريكا إيديها فى كل مكان
طلعالنا فى اللحمه كمان
قول على الدنيا السلام
وبكده يخلص الكلام
فانتازياااااااااااااااااااااااااا
فانتازياااااااااااااااااااااا
LAMIA MAHMOUD
نورتى المدونه وشرفتيها
لو معاكى حتة لحمه حطيها
ولو مامعكيش طلعى بريزه حتى
وللغلابه سبيها
الكروان يغنى فانتازيا
امريكا شيكا بيكا
واللحمه من امريكا
والضرب من امريكا
وكل دم بيستباح
ان كان حرام ولا مباح
كله بايد امريكا
ايه هو احنا مش هنشوف اخت بهانة ولا ايه
أجدع واحد في الشارع
هتشوف اخت بهانه والعيله كلها بس ابقى غمض عيونك علشان صاحبنا بيغار على عرض شعبه
ومابيحبش حد يشوفه غير سيادته
نورت المدونه وشرفتها
لا رايق فعلا
ما هو الكلام ده
لازم يخرج من واحد رايق
سندباد مصر
تسلم يا باشا وربنا يروقنا اكتر
Post a Comment
Subscribe to Post Comments [Atom]
<< Home