جــــــــــــــــاموســـــتى
احساس جميل بيهز كيانى
وشعور بالحب سكن وجدانى
و فى لحظة ضعف
قولتلها وحشانى
الغرور مالاها مابقيتش عوزانى
ولا كأنى صحن فته
كلت منه حته
وراحت رميانى
دى الجاموسه جرحتنى بقوه
ومنعت عنى اللبن والقشطه
يا جاموسه ظلمانى
انا مش طمعان ف اللحمه
ولا عاوز ادوق خدودك الطعمه
ولا بضحك عليكى بحنانى
ياجاموستى وكل حياتى
بعدك عنى سبب لاهاتى
انا حبيتك اكتر من حكومتى
واكتر من زليخه مراتى
بكره هتعرفى قيمتى
واسالى حتى حماتى
ياجاموسه ماتفرجيش الزريبه علينا
وماتخليش البهيمه البمبى تشمت فينا
يا جاموسه يا حلوه زى البسبوسه
حكومتنا الحلوه بتدى الشعب لبوسه
والشعب بيقول تحيا حكومتنا المحروسه
ويحيا الحب الصادق وتحيا الجاموسه
فى زريبة الحب لقيت اتنين حمير
حمار بيبوس حبيته
وحماره قاعده بتشرب عصير
وجحش بيقول يا بابا يا حمار
هو صحيح هيطلعلى جناح وهاطير
قاله ايوه يا حبيبى
لما امك تبقى نانسى وتاكل فطير
سكت الواد وقال يبقى فهمت
مهما احلمنا واتكلمنا
هنفضل برضه حميــــــــــــر
وشعور بالحب سكن وجدانى
و فى لحظة ضعف
قولتلها وحشانى
الغرور مالاها مابقيتش عوزانى
ولا كأنى صحن فته
كلت منه حته
وراحت رميانى
دى الجاموسه جرحتنى بقوه
ومنعت عنى اللبن والقشطه
يا جاموسه ظلمانى
انا مش طمعان ف اللحمه
ولا عاوز ادوق خدودك الطعمه
ولا بضحك عليكى بحنانى
ياجاموستى وكل حياتى
بعدك عنى سبب لاهاتى
انا حبيتك اكتر من حكومتى
واكتر من زليخه مراتى
بكره هتعرفى قيمتى
واسالى حتى حماتى
ياجاموسه ماتفرجيش الزريبه علينا
وماتخليش البهيمه البمبى تشمت فينا
يا جاموسه يا حلوه زى البسبوسه
حكومتنا الحلوه بتدى الشعب لبوسه
والشعب بيقول تحيا حكومتنا المحروسه
ويحيا الحب الصادق وتحيا الجاموسه
فى زريبة الحب لقيت اتنين حمير
حمار بيبوس حبيته
وحماره قاعده بتشرب عصير
وجحش بيقول يا بابا يا حمار
هو صحيح هيطلعلى جناح وهاطير
قاله ايوه يا حبيبى
لما امك تبقى نانسى وتاكل فطير
سكت الواد وقال يبقى فهمت
مهما احلمنا واتكلمنا
هنفضل برضه حميــــــــــــر
posted by مفلس افندى الرايق | 4:18 AM
28 Comments:
هههههههههههههه
أنا جيت اهوا بشكل جديد
و معايا كومنت كله حديد
و بوست واحد بلوجك حيزيد
في النشر اه و ده بالتأكيد
----
تحياتي الي جاموستك
و ابقي خدها و اتمشوا برة الزريبة شوية
تشمواا هواااا
نورتى يا كلبوزه بشكل الجديد
شكلك روحتى سونه وشيلتى حديد
الرقه ف عيونك هاديه
بس لامح من بعيد اعاصير
ليلى قايمه بثوره
اقرى موضوع سمير
وانتى هتعرفى ان
الموضوع مجرد تقدير
يابنى ارحم الفلاحين اشتكوا
مش ناقص غير انهم يحبوا الجواميس وبعدين انت فظييييييييييييييع
بس ممكن تتمسك تحرى لان الجاموسه دى بالذات هربانه بقلها يومين من القسم اللى ورانا والشعب الجعان طبيعى طمعان والقسم مش ناقص شعب والشعب مش ناقص ضرب ولا ايه
وازيك بجى؟
حنفضل برده حمير .. اعتذر للحمير حالا
ههههههههه
اية دااااااااا؟ احنا فينا من كدة؟
انا كنت لاطعة كومينتى اول واحد الصبح هنا..راااااااح فييييت؟
-----------
مش حاعرف اعيد الكلام اللى كتبته تانى
اللة يسامحك
--------
انا مخامصاك
كدة تعمل لى ديليت؟؟
مااااشى يا مفلس
اما خليتك اشهر افلاسك ادام البنك الدولى؟؟؟
اهىء اهىء اهىء
الكروان يغنى فانتازيا
ههههههههه يعنى اعمل ايه ماهى الجاموسه هى اللى بتدلع عليه كان لازم اشتكيها ولا علشان حبيتها تعمل كده فيه
LAMIA MAHMOUD
ههههههه اقدم الاعتذار
اللى السيد الحمار
اللى اصبح جحش
وبينام بره الدار
شهروزة
كومنت ايه انا كل شويه ادخل اشوفك مالقتيش منك حاجه بجد لا انتى كده هتخلينى اراقب المدونه ليكون حد عميل سرى بيحاول يوقع بينى وبين الناس الغالين
ولا تكونى علقتى ف بلوج تانى؟؟؟؟
افتكرى وعلى العموم مجرد ظهور اسمك ف المدونه حتى بدون تعليق بنور المدونه كلها يا قمر سما مدونتى المتواضع هههههه بس انتى متاكده انك عملتى كومنت بجد ؟؟؟
تمام قوي كلام الزرايب
مهوه العيشه بقت كلها ضرايب
محدش مستحمل كلمه حلوه او كان عايش علي السقايط
--------
شويه زجل فل الجووووووووووون
يا سلام يا سلام
بأه بتحب جموسه
كويس انها مدوخاك
رجاله عنيها فارغه
بس والله ضحكتنى ...هو الجواميس مالهم اليومين دول طالعين فيها كده
جاااااااموووووووووسة؟؟؟؟؟؟؟؟
BackBone
ماهو مافيش احلى من كلام الزرايب
جاموسه شايفه نفسها وتور شايب وعايب
وانا من كاس الظلم سنين يا ناس شارب
نورت المدونه بوجودك وتعليقاتك تدل عن فكر جامد
sara
جاموسه مدوخانى يا ساره
امال لو حماره بنت ناس
كانت طلبت شبكه عماره
هههههههههههههههه رجاله عينها فارغه
بتنقى الجاموس السمين اللى مليان لحمه
...سيجارة
ماتزعلش يا عمنا
دى جاموسة حبنا
احنا كده طماعنين
واللحمه بتشدنا
يا لذيذ ورايق
MAKSOFA
هههههههههههههه
شكرا
امضاء
7 up
يالذيذ يا رايق
نورتى المدونه وشرفتيها يا مكسوفه
فعلاً يبدو أننا هانعيش و نموت كده
فكرتنى ببنت عرفتها كنا بنهزر مع بعض بالكلام كده
يعنى أقولها يا جاموسة قلبى
تقولى يا جحش حياتى كده يعنى
المدونة جميلة جداً أحييك
تشرفت بأضافتك الى مدونتى فى قائمة أصحابى
أحمدبلال
كلك زوق وميرسى لتعليقك الجميل
انا عاوز اضيف مدونات كتير ف قائمة الاصدقاء بس بصراحه لسه مابعرفش اضيف ازاى ههههههههه
شوفت الخيبه
احنا مكتوب علينا كده في ظل هذه الحكومه الجاموسي لكن بوست رائع احييك عليه
مـحـمـد مـفـيـد
مش قادر اوصفلك انا قد ايه سعيد
مرورك ف مدونتى خلى يومى عيد
اصل نادر الواحد يفرح
فى ظل حكومة طويل القامه طويل الايد
شكرا جدا لتعليقك وتشرفنا بجد
دعاء غريب
ميرسى لمرورك الرقيق
حلو الزجل الزرايبي ده بس عشان مخنا علي قدنا قصدك ايه بالجاموسة بقي
هههههههههههه اة والنعمة لطعت الكومينت بتاعى وكان البلوج فاضى
حتى كان قبل كلبوزة بس يبدو اننا كنا بنكتب الكومينت فى نفس الوقت وعملنا قفلة سوا وهى الكونيكشن بتاعها اللى انتصر
هههههههه
اوعى تكون شربت من لبن الجاموسة واتسطلت احسن دة بيسطل الايام دى
-----
واد يا مفلس
مشفتليش العريس لسة؟
خليك فاكر
ان البلوج بتاعه تمليك مباحبش الايجارات انااا
اصلى مادية اوى عقبال عندك
العزيز المفلس الرايق
اول مرة ازروك بس وقعت فى زجل الجاموسة ده ودخلت على الزريبة على طول
مش تعمل رسيبشن فى الاول كده علشان الواحد ما يدخلش فى لحظات المودة على الجاموسة كده
احرجتنى اخر احراج
بس تحياتى على الزجل اللطيف ده
بطلوا يعجبونا الحمير ؟؟
بس بجد كلام صحيح قوي بس يرم العظم
سلام
مش ممكن رائع بجد
روعه بجد أنت شاعر ساخر مالوش حل
sahar
اولا شكرا على مرورك بس احساس عندى كده انك مش بلعانى من ساعة ما قريت ردك على تعليقى ف المدونه بتاعتك
ثانيا الشعر الزريبى ده له ناسه وانا اقصد بالجاموسه حوكتنا الجميله
والشعب بيقول تحيا حكومتنا المحروسه
ويحيا الحب الصادق وتحيا الجاموسه
moorgen
ازيك يا شيرين
tota
ولا احراج ولا حاجه الزريبه للجميع بس المشكله ان الجاموسه هى اللى واخده خير الزريبه كله
نورت المدونه بتعليقك
ayhm jzzan
ههههههه يرم العظم يبقى على كده ابيعه بالسطر وماتخفوش هاخد بالى من الميزان
نورت المدونه
أهلا يا رايق ..أنا سوسة
اللي بصراحه منك ..مفروسة
بأه كده بتعيب ..في الجاموسة
و تشبهها بحكوماتنا..المحروسة؟
هههههههه
على قدي
soosa el-mafroosa
لا انتى طلعتى مشكله
وتعليقك يدل على موهبه
كلامك موزون ويدل على فكر
يا سوسه يا مفروسه يا طيبه
ههههههههههه
نورتى المدونه
This comment has been removed by a blog administrator.
TORNADO
انا بجد ممنون جدا من تعليقك لدرجه كبيره وشرفنى وجودك واتمنى اشوفك ديما ونتبادل الزيارات
نورت وشرفت المدونه
wa3d el3yoon
بجد يعجز لسانى عن شكرك وقد ايه ببقى سعيد لما كلامى يعجبكم
متشكر جدا مره تانيه
ونورت المدونه واتمنى نتبادل الزيارات
شهروزة
الباشا الكبير بتاعى انا زعلت لما كومنتك طار ف الهوا شاشى
يا باشا كله تمليك المدونه تمليك والقلب اربع اوض وصاله ومطبخ صغنن وبيطل على بحر الغرام هههههههههههه
انتى خدى المفتاح وعاينى بنفسك اتفقنا؟؟
مستنى الرد علشان ازمة الاسكان
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
دمااااااااااااااغ
احتمال كبير تكون اعلى دماغ قابلتها ف حياتى
هقرى كمان كام بوست
واقرر الموضوع ده
Post a Comment
Subscribe to Post Comments [Atom]
<< Home