كــــــــــــــــــــلام كبيـــــــــــــــــــــــــر
كلام كبير
برنامج على قناة المحور
محتاج شوية تفكير
ويبقى له اسس ومعايّر
ماينفعش نقول لا حياء ف الدين
ونتكلم فى كل شئ يخص المراهقين
وكلام يحرج وشكاوى من المتجوزين
واللى يقول مش عارف ايه
وطبعا كلكم فاهمين
ازاى نجراء الناس بالشكل ده
وبنات وولاد ف عمر الزهور
نفتح عيونهم طب ليه كده؟
ما تلموا بقى الدور
دول لسه فى عمر الزهور
انا لسه قط مغمض
وخايف على نفسى من الخرابيش
خايف على نفسى يا ناس
من لحظه ضعف وطيش
وفى لحظه واحده ابقى
مفلس تاجر الحشيش
وانحرف والعب طوله
واقول شيش بيش
من يوم ما شفنا الدش
والقنوات الفضائيه
وبقى بيحمر الوش
وكل دقيقه غازيه
وهشك هشك بش
وبنات ميه ميه
وانا قاعد وحدى بنش
والدمعه ماليه عينيه
نفسى ابقى ممثل
واعمل ادوار غراميه
وادوق الحلو كله
وابعد عن التقليّــه
ويا عينى على الفيديو كليب
والرجل اللى بتــــدب
وانا قاعد على الكرسى بشب
يمكن ادخل جوه الشاشه
واعمل ادوار حب
وامشى انا والبطله
وناكل ترمس ولب
واعمل مشهد غرامى
احب فيه واتحب
وامسك ايد البطله
واشدها بايدى وهوب
وقبل ما اكمل المشهد
الاقى المخرج الرخم
بيقول خلاص ستوب
احلامى ف البلاعه
ابقى مشهور وبتاعه
والبنات تجرى ورايا
وتطلع عليه اشاعه
انى اتجوزت نانسى
واليسا وهيفاء
ونعمل فيديو كليب
واوا واء واء
وتقولى بوس الواوا
اقولها لاء لاء
هاتكلى بعقلى حلاوه
لا واوا ولا اوفــه
انا عاوز اغنيه جديده
اسمها بوس القطه
بوس القطه بوس
وحاسب يا نانوس
اصل القطه تخربش
وتهفك بالدبوس
واجى على نانسى ابص
تقولى اه ونص
اوعى تحسبنى دلوعه
لا اصحى وفوق وبص
انا ف الطشت منقوعه
بغنى اه ونص
ورجلى باينه على الشاشه
والشعب كله بيبص
يعنى باشاره منى
الرجاله تـــــترص
واليسا ياعينى يا ليل
والشعر الغجرى الطويل
والقد الحلو الجميل
انا نفسى اعيط خلاص
حد معاه مناديل
وأبقى مشهور وليه الاف المعجبات
حريم وبنات واجمل و ارق ستات
يلا قوموا وزعوا قطايف وشربات
على روح مفلس افندى الرايق
فقيـــــــــــــد الفنـــــــانات
برنامج على قناة المحور
محتاج شوية تفكير
ويبقى له اسس ومعايّر
ماينفعش نقول لا حياء ف الدين
ونتكلم فى كل شئ يخص المراهقين
وكلام يحرج وشكاوى من المتجوزين
واللى يقول مش عارف ايه
وطبعا كلكم فاهمين
ازاى نجراء الناس بالشكل ده
وبنات وولاد ف عمر الزهور
نفتح عيونهم طب ليه كده؟
ما تلموا بقى الدور
دول لسه فى عمر الزهور
انا لسه قط مغمض
وخايف على نفسى من الخرابيش
خايف على نفسى يا ناس
من لحظه ضعف وطيش
وفى لحظه واحده ابقى
مفلس تاجر الحشيش
وانحرف والعب طوله
واقول شيش بيش
من يوم ما شفنا الدش
والقنوات الفضائيه
وبقى بيحمر الوش
وكل دقيقه غازيه
وهشك هشك بش
وبنات ميه ميه
وانا قاعد وحدى بنش
والدمعه ماليه عينيه
نفسى ابقى ممثل
واعمل ادوار غراميه
وادوق الحلو كله
وابعد عن التقليّــه
ويا عينى على الفيديو كليب
والرجل اللى بتــــدب
وانا قاعد على الكرسى بشب
يمكن ادخل جوه الشاشه
واعمل ادوار حب
وامشى انا والبطله
وناكل ترمس ولب
واعمل مشهد غرامى
احب فيه واتحب
وامسك ايد البطله
واشدها بايدى وهوب
وقبل ما اكمل المشهد
الاقى المخرج الرخم
بيقول خلاص ستوب
احلامى ف البلاعه
ابقى مشهور وبتاعه
والبنات تجرى ورايا
وتطلع عليه اشاعه
انى اتجوزت نانسى
واليسا وهيفاء
ونعمل فيديو كليب
واوا واء واء
وتقولى بوس الواوا
اقولها لاء لاء
هاتكلى بعقلى حلاوه
لا واوا ولا اوفــه
انا عاوز اغنيه جديده
اسمها بوس القطه
بوس القطه بوس
وحاسب يا نانوس
اصل القطه تخربش
وتهفك بالدبوس
واجى على نانسى ابص
تقولى اه ونص
اوعى تحسبنى دلوعه
لا اصحى وفوق وبص
انا ف الطشت منقوعه
بغنى اه ونص
ورجلى باينه على الشاشه
والشعب كله بيبص
يعنى باشاره منى
الرجاله تـــــترص
واليسا ياعينى يا ليل
والشعر الغجرى الطويل
والقد الحلو الجميل
انا نفسى اعيط خلاص
حد معاه مناديل
وأبقى مشهور وليه الاف المعجبات
حريم وبنات واجمل و ارق ستات
يلا قوموا وزعوا قطايف وشربات
على روح مفلس افندى الرايق
فقيـــــــــــــد الفنـــــــانات
posted by مفلس افندى الرايق | 4:04 AM
36 Comments:
:D
enwy enta bass....w ana ageblak akbar mo7'reg ;)
في أختراع اسمه ريموت كنترول...يعني بتاع كده تختار به القنلة اللي أنت عايز تشوفها...من الأخر الموضوع في ايدك سواء بتتفرج علي كارتون أو حاجات تانية
BaTaBeeT
اتفقنا هاتى انتى المخرج والكاست
وانا هاجيلك بسرعه هاى فاست
still breathing
كلامك جميل وتعرفى لو كل واحد عمل لنفسه رموت كنترول فى اخلاقه بجد هنتغير
ياسلام يا سلام
كل دي أحلام
عايز فيديو كليب تمام؟
ابقى غني في الحمام
أليسا و هيفا و نانسي ..هما يطولوا ..دانت حتى شكلك حليوة و شعرك أخضر و عينيك صفرا ..صح؟
الـلـلة
لا دي جميلة بجد
المحور بس؟ طنطك هالة اللة يكسفها محرماني افتح التليفزيون،، وميلودر افلام الزفت دي مكرهاني فية زيادة،، تقول اللهم اغزيك يا شيطان وتسمع الراديو نجوم اف ام تقوللك التغلب علي مشكلة مش عارف اية
ناس بايظة
بـس
انا لسه قط مغمض
وبوس القطة
اعراض التحول ابتدت تظهر عليك
مبروك يا قطقط
مفلس
ايه الانحراف دا؟
انت لسه فاكر تنحرف هى القنوات الفضائيه جت عندك متأخر
:)
وبلاش الاحلام الوحشه دى
ههههههههه
soosa el-mafroosa
ههههههههههههههههههه
بقى عاوزانى اغنى ف الحمام
ده يبقى كليب ريحته تمام
مين قالك على شعرى وعيونى
شعرى اخضر زرعى وعيونى اصفر لمونى
وانتى بقى عيونك شكلها مديه على كمونى
ههههههههه
saso
شوفتى يا صافى يعنى لا عارفين نسمع لا اذاعه ولا تليفزيون
الا هاله سرحان دى دى عاوزه اى موضوع تحوله لكلام فارغ وخلاص
بس ايه رايك ف التغير بتاعى ده يا قطتى الجميله بس ما منوش خرابيش علشان الميك اب والاى لينر ما يبوظش
اوعى تكونوا اتغدتوا من غيرى
moorgen
هههههههههههه اصلى بنحرف بعد سن الميه وخمسين عام
هو ده السن المناسب واهو الواحد يبقى عارف هو عاوز ايه
مفلس باشا
جامده اوي فكره النقد بالشعر دي وان ترائع فيها
البرنامج ده والله ان اتكلمت عليه كتير وده حاجه في منتهي السفاله مئش عارف احنا ليه بنتامرك كده في حياتنا كلها الموضوع محتاج شويه تفكير
انا قريت ان القناه عايزه تعمله مرتين في الاسبوه شفت الهنا
دعاء غريب
ماتخفيش على مفلس يا دعاء
مفلس يعرف ان الحياه فناء
بس حبيت اظهر بعض صور العصر
ولكل قاعده شواز واستثناء
بجد برامج بقيت بتكلم فى كل حاجه و اى حاجه بدون اى حياء والكليبات وطبعا هاله سرحان دى هابقى اكتب عنها قصيده لوحدها بعدين
مـحـمـد مـفـيـد
القناه عاوزه تكسب وبس حاجه عليها اقبال يبقى نهتم بيها مش مهم عندهم صح ولا غلط
عاجبنى كلمة بنتامرك دى بجد احنا بنتعلم من الغرب الغلط بس
بصراحه برنامج كلام كبير عامل احراج للبيوت
هههههههههههه
روح اللهى يقطع شرك يا مفلس
وربنا انا راسى خبطت فى الارض من السخسخة
كدة يا مفلس؟
تنحرف من ورايا؟؟
وبقيت تبصبص للمدعوقة نانسى والمحروقة هيفا والزغلولة اليسا؟؟
---------
وقال اية؟
تعالى امضى عقد التمليك
روح كدة روح
-------------
قال المحور قال
طيب المحور دى متجيش شرطة فى بحر هالة شو ولا قناة مولتى ولا المزيكا يختتتتتتى
ويا سلام يا سلام لو طلعنا عالقمر الاوربى
وبياونسى وبريتنى والمزز المعضمة دى
كنت حتعمل اية يا مسكين؟؟
-------
شكلك كدة يا واد يا مفلس ناوى تنحرف وتتجوز عرفى من ورا اهلك
وانا ادرو الف وراك فى الشوارع مفلس انحرف يا رجاااالة
بطل ياد تبص على الحاجات العليوى دى
وبص على اد فلوسك
اللة يخرب بيت بتوع الوصلات
فتحوا عونينا على حاجات المفروض ميشوفهاش الا اللى جيبه عمران ويستحمل
شد حيلك يا ضنايا
كلنا معك فى محنتك
موتنى على نفسى من الضحك
بس هابعتلك علبة مناديل
ياعم أنت قصدك برنامج كلام كبار ولا كلام كبير
و الله البرنامج ده محترم مش زى الحاجة هالة سرحان
دكتورة هبة قطب أنسانة محترمة جداً
و حتى البرامج الدينية بتستضيفها علشان تتكلم عن الموضوع ده
الفضيحة اللى بجد فى البرنامج الناس اللى بتتكلم يبقوا متجوزين و لسه بيسألوا
يانهار ملون؟ أمال كنت بتعمل أيه السنين اللى فاتت
و تحياتى العميقة لكل من الاخوات المثيرات
هيفا و نانسى و أليسا و مخرج الروائع جاد شويرى
اللى أكتشفلنا موهبة ماريا و تينا و القائمة تطول
قناة المحور والبرنامج ده طان ممكن يبقى كويس لو اتناولته باسلوب صح بس للاسف هو اصلا معمول غلط يعني الغرض منه ضاع
ونانسي واليسا انا بحبهم بغض المظر عن اللبس اسمعهم بس يا سيدي والله صوتهم حلو اما بالنسبة لهيفا فده كائن مش مفهوم بالنسبة ليا يعني الواضح ان دي معمولة وبتطلع في التلفزيون لعرض شغل فناني التجميل واطباؤه
وانا زعلانة منك جدا .. موضوعين جداد وانت ما جيتش
:))
ههههههه
اقفل التلفزيون من سكات من فضلك
هههه
ها ها ها ها ها ها ها ها ها ها ها ها ها ها ها ها ها ها ها ها ها ها
ياعينى عليك يا مفلس افندى...بقه بعد ايام المجد هيفا واليسا ونانسي يلحسوا دماغك كده دول معفنين من غير ميكياج بس والنبى انت تنفع برضه...ولا يهمك
متعيطش
بس
بس
استاذ مفلس افندي
كل سنة وانت طيب ورمضان كريم :)
مفلس يا بنى
معلش انت احلامك وسعت منك قوى مش نبهت عليك بلاش الاكل التقيل
ما هو لو بتاكل سندوشت خفيف ولو فاضى يبقى احسن كنت حلمت بحاجة خفيفة او كابوس
انما دخلت على نانسى قلنا معلش قوم تكمل على اليسا وكمان هيفا
غير القمر اللى عندكم وهات القمر الصعيدى بيجيب حاجات كويسة مش هتفهمها ولا هتمزيها بس حلوة للشباب المقطقطين
تحياتى
محمود بجد بلاش موضوع الأكل دة علشان منخسرش بعض،، لو لقينا اكل انا والبنية الغلبانة دي ممكن ننسي احنا اسمنا اية،، اسكت مش النهاردة جالنا انا والبنية ساندوتشين من البتاع دة اللي بناكلة.. روحت البيت عاقلة
ومؤدبة ومجريتش علي المطبخ زي المسروعة
آي لاينر وميك آب !!!! الفراخ بوظتك يا محمود
:) بس مبروك القطقطة
ياحرام إنت بتقاسى
بص أحسن حل تحرق التلفيزيون وتسمع راديو
بس بجد بوست حلو وموضوع جديد
فانتازيااااااااااااااااااااا
قانتازيااااااااااااااااااااااا
جامد جدا الشعر
هو برنامج كلام كبير ممكن يكون بيتناول مواضيع شائكة شيئا ما و هذا ما يجعله مثير للجدل ، لكنه يعرض مواضيع هامة و يفتقدها مجتمعنا بشكل علمي و صحيح ، لكن أنا شايفة أن مكان مناقشة تلك المواضيع المنزل ثم المسجد لكن مش تليفزيون، يسيبوا للناس شوية حياء
ايوة كده يابرنس نورت تانى ...وعلى فكره الموضوع ده خطير جدا جدا..وانا واصحابى كنا دايما بتكلم فى المشكله دى...وطبعا سحرتنى بكلامك اللى زى العسل وافكارك الجديده
ربنا يوفقك
شهروزة
ههههههههههههههههههههه
ياختى انحرف انحرف بس ابقى دخلت دنيا هههههه
طيب يعنى انتى مستكره علينا نتفرج كمان يعنى لا زواج ولا فرجه اموت نفسى ياختتتى
ما انتى لو تطاوعينى ونخلص موضوع العقد ده وماتخفيش كل حقوقك ف العقد محفوظه
بس انا بجد هاله سرحان دى عملالى قلق بخاف اسمعها ف البيت اى حوار مع اى حد لازم تحوره لكلام فارغ وضحك والناس تعبانه لا اكل ولا شغل هههههههه
أحمدبلال
ازيك يا احمد باشا
انا قصدى كلام كبار بس قولت اخليه كبير علشان الرقابه ههههههه
يا باشا المشكله ف الاسئله اللى الناس بيسالوها خصوصا زى ما انت قولت المتجوزين الواحد وشه بيحمر من الخجل من اسئلتهم امال على رايك بيعملوا ايه السنين اللى فاتت يكونوش كانوا بيعملوا عجين الفلاحه
LAMIA MAHMOUD
الاول انا ماقدرش على زعلك ابدا انا كنت عندك من شويه بس ماخدتش بالى اتارى مواضيعك الجديده ف بلوج تانى
بجد البرنامج كان فكرلاه كويسه بس الاسلوب اللى اتعمل بيه كان وحش
اليسا ونانسى اغانيهم حلوه بجد اما هيفاء دى ماتعرفيش واحده هبله لا صوت ولا بتاع على رائيك بتعرض نفسها دعايه لعمليات التجميل
ازيك يا ليماء ؟
Epitaph
كل ما اقفله يفتح لوحده الظاهر ان الرموت عاوز يتفرج اصله رموت عينه زايغه هههههههه
اخبارك ايه؟
sara
هههههههههههه ياختى هو انا لقيت كحل وماكحلتش هههههههه
انا مايملاش عينى الاشكال دى انا عاوز واحده فى جمال اسماعيل يس كده
عندك واحده بالمواصفات دى؟
...دنيتي
وانتى طيبه يا دنيتى كلك زوق بجد ونورتى المدونه وماتعبيش بقى كتير عننا اصل انتى دنيتى لما تغيبى هاعيش فين انا بقى هههههههههههه
tota
ههههههههههههههههههه ازيك يا زعيمة حركة انتفاضه المفلسين
يعنى انتى رايك ابقى انام خفيف
زى اهل المنوف تتعشى ولا تنام خفيف تشرب شاى ولا انت مش كييف
انا هابقى منوفى علشان ارتاح من الكوابيس دى حاضر
قمر صعيدى شحط محط ده بقى ولا ايه لا يا سيتى هو قمر هيفاء ستالايت مافيش غيره
اخبارك ايه ؟؟؟
saso
كده يا صافى تاكلوا برضه من غيرى انتى وشيرى اووووك
وعلى كده روحتى بدرى بقى ايوه غدوه حلوه ومروقه وسيبانى انا ف البرد لوحدى طيب احنا مش اتفقنا نعمل سطو مسحل سوى على اى محل فول شكلكم عملتوا العمليه لوحدكم
ماشى ماشى
TORNADO
اعلام هادف بس مايخدش الحياء بالطريقه دى ويقول كل حاجه قوى كده
الحياء شعبه من شعب الايمان
هات بقى المنديل وسيبنى اعيط لوحدى
الكروان يغنى فانتازيا
ما انا حرقت التليفزيون طلعلى عبدالحليم بيقول نار يا حبيبى نار طفيت الحريقه لقيت هيفاء طالعه متعوره من الحريقه وبتقولى بوس الواوا
اعمل ايه اقطع نفسى
Yousra
الله يفتح عليكى هو ده المفروض يبقى نقاش الحاجات دى مش علانيا كده
يا جماعه الحياء الحياء
نورتى المدونه وشرفتينى ونتبادل الزياره ان شاء الله
.
الســـاحر
ازيك يا باشا والحمد لله ان الموضوع عجبك
مش انتوا بس كل الشباب بيتطلموا عن البرنامج ده لانه بصراحه بيقول كل حاجه عن الشباب بطريقه مفضحه جدا
ههههههههههههه اهم حاقه الترمس واللب...آآآآه يا مصررر...
اكيد في حياء في الدين اصلا من الاشياء اللي تميزنا ان ديننا فيه حياء كبييير وما نقدرش نلغيه ونمشي مع التحضر اللي بيقولوه اليومين دول
بص بقي يامفلس باشا
الجيل ده عارف كل حاجه
بالعكس بيقعد يضحك علي تفاهه عرض المشكلات في قنواتنا الفضائيه ، وده لأنه بيتابع أوبرا ود. فيل وغيرهم من البرامج اللي بتعرض المشاكل في أمريكا بمنتهي الحريه
المهم أنت عندك أسلوب جميل وساخر ومتمكن من أدواتك الشعريه
انا الحمد الله كويسة وانت ؟
تعالى في لا تنتظر احد .. وقولي رايك
Q8ya
ماهو مادام عاوزين نحب
يبقى لازم من الترمس واللب
ههههههههه نورتى المدونه بتشريفك بجد
MAKSOFA
كلامك صح والشباب بيقعوا يضحكوا بينهم وبين نفسهم بس برضه فى كلام بينقال بيحرج قوى على العموم انا بطلت اسمعه لان كل معلوماته قديمه هههههه بس الجديد كلام المتزوجين
LAMIA MAHMOUD
انا تمام يا لمياء انا جاى اهو وسعوا الطريق
ازيك يا مفلس انت دايما كاسفنى وسط صحابى
مرة تعبان ، لا اجمد هااااااااا
لا عيب ولد ، ومرة سمير ميرفعش راسنا
انت عاوز مننا اية
انا عندى علاج ليك جهز شنطتك وشيلها
وروح الصحرا مش حتلاقى تلفزيون
حتلاقى نفسك لوحدك وحترتاح
لاااااااااااااااااااااااااااااااااااااا
استنى انت حتشوف السراب وانت خيالك واسع
حتشوف نانسى وهيفاء واليسيا
وحيستفردوا بيك وترجع لينا جلد على عظم
خليك هنا احسن والله معنا
تحياتى
gwad
ههههههههههه ماشى نخلينا هنا
ازيك
ههههههههههههههههههههههههههههههه
والله انت عندك حق
بس اقولك انا عايز من ادوار الحب دى
لو عندك اتنين اولى
إيه دة كلوا
إيه دا كولو
الكلام كبير كبير يعنى !!!
بس أرجع وأقول
عادى بقة
أودى
أجدع واحد في الشارع
هاشوقلك دور واهو نعمل نقابة ممثلين يمكن نتشهر
هههههههههههه
ody911
على رايك عادى بقى
هو حد واخد منها حاجه
كل سنه وإنته طيب يا مفلس
وإن شاء الله تغتنى العييد الجاى من العيدية (( هههههههه
وعادى بقة
أودى
بوس القطه بوس
وحاسب يا نانوس
اصل القطه تخربش
وتهفك بالدبوس
ده انت مشكله فعلا
ههههههههههههههههههههههه
http://e7lawtelayam.blogspot.com
كتير حلوة
Post a Comment
Subscribe to Post Comments [Atom]
<< Home