محمــــــــــــد رســــــــــــــــول اللـــــــــــــــــــــه
فســـــــــــادستان
جنينه كانت حلوه زمان
جه جناينى مسك البستان
وانبهر من كتر الفواكهه
والخير اشكال والوان
قال لنفسه انا اشبع الاول
و الباقى منى أدّيه لشحاته الغلبان
وفاتت سنين وسنين
والجناينى لسه جعـــــان
وكانت الجنينه ليها عادات وتقاليد
والدين بيحكمها
بقبضه من حديد
وبدأ الانحلال يدخلها
وكل مدى يزيد
وبداء الاستهتار بالقيم
والعادات والتقاليد
واللى يحافظ على تقاليده
يبقى رجعى وعبيط
وبدأت كل شويه
التنازلات تكتر
ويوم عن يوم بقينا
لقيمتنا بنخسر
وابتدى الهجوم علينا
من كل اتجاه
سب وشتيمه وقذف
فى حبيب الله
فى قدوتنا وقائدنا
محمد رسول الله
بركان غضب جوايا
ونار قايده فيه
اعتذاره مش كفايه
لازم وقفه قويه
اعدائنا يوم عن يوم
بيقوى صوتهم ويعلى
لازم ايمانا يزيد
ويكون ايمانا اقوى
ونحط الايد ف الايد
ورسولنا هو القدوه
يا رافع رايه الاسلام
جوه حصن قلبك
حطم قيود لسانك
واخرج من سجن صمتك
اثبت لحبيبك النبى
حبك برد فعــــــــلك
جنينه كانت حلوه زمان
جه جناينى مسك البستان
وانبهر من كتر الفواكهه
والخير اشكال والوان
قال لنفسه انا اشبع الاول
و الباقى منى أدّيه لشحاته الغلبان
وفاتت سنين وسنين
والجناينى لسه جعـــــان
وكانت الجنينه ليها عادات وتقاليد
والدين بيحكمها
بقبضه من حديد
وبدأ الانحلال يدخلها
وكل مدى يزيد
وبداء الاستهتار بالقيم
والعادات والتقاليد
واللى يحافظ على تقاليده
يبقى رجعى وعبيط
وبدأت كل شويه
التنازلات تكتر
ويوم عن يوم بقينا
لقيمتنا بنخسر
وابتدى الهجوم علينا
من كل اتجاه
سب وشتيمه وقذف
فى حبيب الله
فى قدوتنا وقائدنا
محمد رسول الله
بركان غضب جوايا
ونار قايده فيه
اعتذاره مش كفايه
لازم وقفه قويه
اعدائنا يوم عن يوم
بيقوى صوتهم ويعلى
لازم ايمانا يزيد
ويكون ايمانا اقوى
ونحط الايد ف الايد
ورسولنا هو القدوه
يا رافع رايه الاسلام
جوه حصن قلبك
حطم قيود لسانك
واخرج من سجن صمتك
اثبت لحبيبك النبى
حبك برد فعــــــــلك
51 Comments:
والدين بيحكمها
بقبضه من حديد
وبدأ الانحلال يدخلها
وكل مادى يزيد
تعبير رائع احييك علي المبادره واحييك علي غيرتك يا نجم وانا قبلك
مـحـمـد مـفـيـد
تسلم يا محمد باشا وديما كلك زوق
انا اللى احييك على كلامك ديما
اللي عجبني المرادي
ان القصيدة قصيدتك
و عبرت بحد باسلوب راقي حماسي حلو
بسيطة الكلمات
لكن نافذة
تحياتي
الله عليك يا فندان
محمود باشا الفنان
ممكن اكتبها على باب الشارع
ايوة كدة لا فيها غلط في حد ولا حاجة
بلاش نزعل اخواننا مننا
أم أحمد
الرايق المفلس افندى
ممكن دلوقتى نرقيك ونديلك لقب الباكوية
البوست جميل والمعانى قوية ومعبرة والهدف منه رسالة وصلت وغزت القلوب مصحوبة بالدعوات ان تتحقق
جميل انت حين تعبر بكلماتك عن مكنون نفسك ونفوسنا معك
تحياتى
استوب انت مسحت تعليقي ولا ايه؟؟"
ولا كانت ع بوست تاني شكلها كانت ع بوست تاني لاني مخدتش بالي من القصيدة كلمتها حلوة اوي شكلي ف التعليق اللي اتمسح مش مشكلة بس حلوة القصيدة دي
مفلس افندى الرايق: الموضوع مش حكايه غيره ونخوه ومين قال على الرسول ومين عاد أنا حاسس ان أحنا بننفعل فى الفضب بصوره ثائره كلها غليان وده بيخسرنا كتير جداً كمسلمين وفى الناهيه يتقال علينا أننا مش منصفين. أنا معاك أن البابا ده قال كلام مش كويس وحقيقى ينم عن أنه راجل لايعرف الفرق بين النقد والشتيمه وجايز كمان يكون متعصب زى بعض أصدقائى من الكاثوليك ماقالولى, بس ليه أحنا نفضب وفيه ناس كمان عاوزه تعتدى عليه ويقال أن راهبه فى الصومال قد قتلت بسبب الموضوع ده. ليه ده كله.أعتقد أن الحكمه وتعاليم الأسلام بما فيها من سيره الرسول عليه أفضل الصلاه والسلام تقضى أن الحجه بالحجه والانفعالات لن تكسبنا شيء لان المشكله تركت كما هى فلم يرد أحد على البابا سوى بتذكيره بمحاكم التفتيش وصكوك الغفران ,أمور يعرفها الغرب وبسببها جردوا الكنيسه الكاثولكيه من بطشها الذى دام قرون عديده وضعتهم فى الظلمه التامه. أما نحن الان الأولى بنا كسب تعاطف الشعوب وخصوصاالعالم الغربى وشرح ما قد ورد على لسان البابا بأن الأسلام دين السيطره والبطش والحروب وأجبار الشعوب على أعتناقه بحد السيف. أنا وأنت وغيرنا من الشباب لايجب أن نفقد عقولنا مهما قيل عن الأسلام كديانه وعن الرسول محمد عليه الصلاة والسلام أو حتى عن الله سبحانه وتعالى.
بس أتفق معك أن أحنا لازم ننضف بيتنا الاول ساعتها عملنا سيكون خير متحدث على سلوكنا وأخلاقنا كمسلمين
ياما تحمل النبى محمد عليه الصلاه والسلام من الأهانات والشتائم على يد قريش ولم يغضب ولم يصيبه الوهن وفى نهايه الامر آمنت قريش به ودخلت فى دين الله سبحانه وتعالى ,وأصبح ما كانوا يعبدون قبل الاسلام فى غياهب التاريخ.
أسف للاًطاله وشكراً لزيارتك لمدونتى
فعلا قصيدة رائعة بهنيك على كلماتك
بجد برافو يا مفلس حلو اوى الوقفه دى
وكده فعلا احسن من غير شتيمه ولا حاجه...
ربنا يكرمك
جزاك الله خيراً
أتفق مع
Ayyam
لازم ننضف بيتنا الاول و بعدين ندافع عن نضافته من بره
علشان ماحدش يقول
الللا بيته من أزاز مايحدفش الناس بالطوب
مشاركة معنوية
لحملة ساند رسولك
اسلوبك فيه عمق و نضوج عن كل مرة
أحيك ع القصيدة الجميلة
مفلس
ايه داكل يوم عن يوم الجمال فى البوست زايدو العمق والتعبير باين
وللانضمام لنصرة النبى قولى ازاى وانا معاك
وبالنسبه للعادات والتقاليد
مش كلها ايجابيه ولا كلها سلبيه بس السلبى هو السائد ومش كل اللى بيتمسك بالعادات والتقاليد نقول عليه عبيط
فى عادات كلنا نحترمها ونحافظ عليها
وفى عادات نتمنى انها تتمحى من حياتنا
اما الانحلال السبب فيه التسيب وعدم التمسك بالدين والشريعة
مفلـــــــس
بس طبيخك اتقدم يا مفلس
ههههههههههههه
Epitaph
الحمد لله انها عجبتك
أجدع واحد في الشارع
وينور عليك يا اجدع واحد ف الشارع خدها وخد المدونه وصاحبها كمان لو تحب يا زعيم
sahar
انا اتعلمت منك يا سحر هانم موضوعك لما قريته قولت اكتب حاجه برضه بحيث ماتزعلش حد واقول رائ بيها برضه
منورانى ديما
tota
ازييييييييييييييك يا زعيمه الوطن العربى هههههههه يعنى دى عجبتك طيب الحمد لله يعنى الواحد بعد كده ينام خفيف احسن منعا للقيل والقال
ياترى عندك شندوتشات النهارده
Nouran
منورانى يا باشا لا كل البوست القديم اتشال سورى وقولت احط البوست ده مكانه
معلشى تعبتك معايا رايح جاى وموصلات وكده هعوضهالك اتفقنا
Ayyam
اولا شكرا جدا لزيارتك المدونه
ثانيا تعليقك جميل وانا معاك وعمرى ما كنت عدوانى لكم دينكم ولي دين
بس لازم الواحد يعبر باى اسلوب عن حبه للرسول الكريم وعن حزنه م اللى بيحصل
شرفتنى بتعليقك ومرورك
linda
ميرسى جدا لزوقك
وماتحرمينش من حضورك
وخلى الود واصل
تزورينى وازورك
هههههههه نورتينى بجد
دعاء غريب
ربنا يكرمك يا دعاء على زوقك والحمد لله ان الكلام وصل من القلب للقلب والناس حسته
انا متوجه حالا يا فندم للتاج
علم وجارى التنفيذ
كل سنه وانتى طيبه
sara
انا بحب اسمع ارء الناس ومش عيب انى اقتنع بحاجه واحاول اصلحها باسلوب راقى
انا بجد مبسوط من زيارتك ومن تفاهمك
بتنورينى بجد بتعليقك
safa
وجزاكى الله كل خير وميرسى لمرورك
وكل سنه وانتى طيبه
ومن طاعة ربك قريبه
نورتينى وشرفتى المدونه
أحمدبلال
ازيك يا احمد باشا
كلامكم سليم لازم نغير من نفسنا الاول ونشوف احنا ليه وصلنا للدرجه دى من الاستهتار فينا
منور يا زعيم
soosa el-mafroosa
كويس انها عجبتك وميرسى على زوقك
ها ياترى جهزتى الحلويات بتاعت رمضان اصل سمعت انك بتعملى قطايف جنان
كل سنه وانتى طيبه
moorgen
ننضم مع بعض باننا نوصل صوتنا للغرب وللعالم باننا مستنكرين اى اهانه تمس رسولنا ودينا الحنيف
هههههههه طبيخى عجبك يعنى اصلى زودت المسبك فيه النهارده امال لو دوقتى قمر الدين اللى بعمله كنتى قولتى ايه هههههههه
ازيك يا شيري
اسف على التأخير ياجميل لسه واصل حالا من السفر
برافو عليك كلام موزون وكل واحد يفهمه بالطريقه اللى تحلاله
تحياتى
يوجد تصويت على موقع السي ان ان
http://www.cnn.com/2006/WORLD/europe/09/16/pope.islam/index.html
هل ينبغي على بابا الفاتيكان ان يعتذر عن تصريحاته ضد الاسلام؟ نتيجة التصويت ليست في صالحنا من فضلك قم بالتصويت فلن يكلفك الا دقيقة لقد اخطأ في حقنا فأقل ما يقوم به هو الاعتذار
ملحوظة التصويت في اسفل الصفحة على اليسار
الرجاء اختيار كلمةyes
يا سلام يا مفلس أخويا طول عمرى والله وأنا بتوسم فيك الايمان والتقوى والورع
جعلك الله لسان حق فى يوم حق فى ساعة حق
قصيده جميله زى ماعوتنا دايما
وانا عايز اقول ان رايه الاسلام هتفضل مرفوع رغم انف الجميع
وان نصر الله لقريب
وربنا ان شاء الله هيوفقك انك كتبت عن الموضوع ده
انت يا مفلس
اية الحلاوة دى
ممكن تقولى انت بتجيب الكلام الحلو دة منين
اكيد يا مفلس بتجيبة شكك
تحياتى
على فكره انا كتبت قصيده جديده ونفسى تشرفنى بزيارتك
كل سنه وانتم طيبين رمضان كريم
ايوة كدة دة اللي يتقال كرد مش كلام المتعصب اللي خوفتني بية
نحاكم نفسنا في توازي مع طلب الحق
كقصيدة نفسها عاجباني ولو اني في اول قراية كنت بادور بس علي رأيك وتعبيرك الهادي،، بغض النظر عن الجنايني ماحنا كمان غلطانين
محمود المرة دي احلي من كل مرة بجد
حتي الملح اتظبط والأكل مش شايط
تحياتي رغم وصولي المتأخر
لكن كلام جميل جدا جدا وربنا يوفقك ويسلم ايدك ...
على العموم انا كنت مشغول في نفس الموضوع يا ريت انت والزملاء تدوني رأيكم واكون شاكرا للكل . فهذا نداء يعني لكل الأخوه والأخوات
Gbalawy
حمد لله على سلامتك يا زعيم والحمد لله ان الكلام عجبتك وعلى رايك كل واحد يفهمه بوجهه نظره
تسلم على اللينكه وانا روحت وصويت وياريت الباقى يعملوا كده
shady
الباشا الكبير قوى عمى نورت المدونه والحمد لله انها عجبتك يا زعيمنا وزعيم الناصريه
ناصر يا حريه
ناصر يا وطنيه
الســـاحر
انا جاى ف الطريق يا زعيم
وسع الطريق
ازيك
gwad
هههههههههه
شكك من محل الكشرى اللى على اول ناصية ميدان التحرير
بروح اقوله اعملى طبق شعر كده بالحمص وكتر الشطه وبلاش مكرونه كتير
هههههههه ازيك؟
عمر
وانت طيب يا زوق وشرفت المدونه
تحياتى
إيمان حسان
بجد انا اللى احيكى على فهمك كل حرف ف القصيده بيرمز لايه انتى حللتيه كانك دخلتى جوا دماغى وقريتى اللى فيها
حسبنا الله ونعم الوكيل
شرفيتينى بجد بمروك واحيكى على مدونتك اللى كلها روحانيات وفيها هدوء نفسى
كل سنه وانتى طيبه
saso
ماشى يا صافى كويس ان الطبيخ عجبك
انتى هربانه فين كده شكلك ناويه تفتحى مطعم جديد ولا حاجه
حتى بسالك عليكى شريكتك ف المحل قالتلى غابت قولت طيب كويس انها غابت علشان اعرف اكل براحتك اصلك نفسك مفتوحه وانا مابلحقش الاكل منك
هههههههههههههههههههههههه
ازيك يا صافى هانم
سلامى بقى لمورو وشيرى
mizo
البابا بيتكلم لحساب امريكا واعداء الاسلام وغرضه سياسى اكتر من دينى وبجد الواحد قرف
بس نحمد الله اننا على الحق وكفى بالاسلام نعمه
يا مصر اكتب إليكي رسائلي
حمد الله على سلامتك ونورت المدونه وانا جاى ف الطريق حالا وكل الاخواه يا ريت يشاركونا
كل سنه وانتوا طيبين يا جماعه رمضان قرب خالص خالص ياترى هنعمل ايه فى رمضان؟؟؟؟؟؟؟؟؟؟؟؟؟؟
اخر القصيدة معبر عن اولها
الصدق و العمق معاني الكلام بيحملها
لكن ايه العمل ياللي عاملها
ملناش غير الشجب و الانكار علي الاهانات اللي قايلها
بابا الفاتيكان و قبله الرسام و الرسومات اللي راسمها
امتي يكون لنا وقفة حق
علي كل من يتجرأ علي دينتنا
و يهينها
---
خالص تحياتي
و رمضان كريم
كم استهترنا بقدوتنا الحبيب المصطفى و الكل احاكنا بعبارات من السخريه و السب
و لكن مازال امامنا الفرصه للدفاع
و انا ارى ان افضل الفرص هى بالتمسك به و بسنته الغاليه التى طالما اضائت الدنيا نور
تحياتى
و شكرا للمرور و اتمنى دوام التوفيق و الاستمرار
ايوة كده يا عمنا وحشتنا .. وبطل تمسح مواضيع تاني قب ما اقراها
حبيبى الغالى
فيه بوست جديد تعالى زورنى
كلبوزة لكن سمباتيك
اول القصيده كنت بوضح وجهه نظر معينه باسلوب شعرى مش موزون قوى اما ف اخر القصيده ركزت ف الشعر اكتر
يا ريت نغير بقى بجد بجد من نفسنا الدين غالى يا جماعه
كل سنه وانتى طيبه وربنا يكرمك وتفوزى برمضان
sherif
الله ينور عليك هو التمسك بسنته صلى الله عليه وسلم احسن سلاح نحارب بيه اعداء الاسلام
نورت المدونه
LAMIA MAHMOUD
ازيك يا برنسيسه انتى فينك بقى من زمان كده يعنى
لا مش هاشيل حاجه تانى خلاص
اخبارك ايه وكل سنه وانتى طيبه وياترى جهزتى نفسك لرمضان
gwad
فى الطريق يا باشا واشكرك للعدوه
شرفتنى
تحياتى للجميع وربنا يكرمنا جميعا بالفوز برضا ربنا ببركة شهر رمضان
وكل سنه ونتوا طيبين
لا بس باغيب يعني باشحن علشان رمضان
ما انت عارف البطاريات بتاعة اليومين دول مش بتعيش
علي فكرة احنا بنستعبط كل واحدة فينا بتغيب يوم ،، قال يعني صدفة
الله يجزيك كل خير
تحية من القلب لك أتمنى ان تصل للقلب
موفق أسلوب راقي سيصل مبتغاه بالتأكيد
تحية
saso
اشحنى اشحنى وسيبانى انا بهنج كده وفاضى
ايوه كل يوم واحده منكم تغيب ههه قال يعنى كل واحده عندهها ظروف جايه بالترتيب
موضفين اخر زمن هههههههههههه
ayhm jzzan
ربنا يكرمك يا زعيم على الكلام الجميل ده وبجد بتنور المدونه بتعلقياتك ومرورك
مفلس
ازيك
اولا انا مش بحب قمر الدين
ثانيا انت بتحقد علينا يعنى الله
اة عشان كدا معرفتش اتهنى بالاجازة الكل باصص فيها
كلكو حاقدين
:)
:)
moorgen
هههههههههههههههه
دى اجازه دى لا ياختى خليكى ف الشغل احسن
كنت تعبانة يا فندم معلش فمكنتش بفتح الجهاز .. بس اول ما سمعت عن موضوع جديد ليك جيت جري
LAMIA MAHMOUD
الف سلامه يا فندم طيب كنتى تقولى كنت جيت وجيبت معايا اتنين كيلو قوطه ولا عصير قصب
لالالالالا مالكيش حق
الف سلامه عليكى
:)
فل الكلام.....وتمام
ayman_elgendy
تسلم يا ايمن باشا ونورت
تحياتى
تؤ تؤ تؤ تؤ
احنا موظفين اخر زمن يا مجتهد
وانا اللي كنت ناوية اعزمك علي السحور الساعة 4 العصر
سحبت عزومتي
:((
saso
خلاص يا صافى بهرج يلا يوم ايه بقى السحور علشان اجهز نفسى واجووووع
كترى من اللحوم والعصاير المركزه وبلاش المح بطرف عينى الفول ولا اى حاجه من مشتقاته
اسلوبك جميل
ماشاء الله
وشكرآلمرورك على مدونتى
لانها عرفتنى بمدونتك
تحياتى
كبير عائلات هباظه
مرحا مرحا بكبير العيله مندوب سالم بتاع الفول والزبون الدائم والصديق الشخصى لمصيلحى باشا ههههههههههههه
العابره
بجد نورتى المدونه وشكرا لتعليقك الراقى ونبقى نتبادل الزيارات بقى
نورتى
تحياتى
تعالو شفونى وانا غبى
يا حبيبى , ماذا اقول عنك و الكلام فيك انتهى ؟, ماذا افعل لك و الفعل لا يليق بك؟ يا حبيبى لقد تمادوا فى طغيانهم و ارتفعت السنتهم بالقبيح لجراحك, فسامحنى لاننى لم ادافع عنك , لا لاننى لا احبك , فالله يعلم ما بقلبى و لكننى لم اجد ما ادافع به عن نفسى , نعم , لانهم يهاجموننى انا لا انت , فانت عند ربك مكرم و الله قادر ان يدافع عنك , فاننى لا اجد سوى البكاء و لكن ما يفيد البكاء , كتبت و ما يفيد الكلام , لا يوجد حل سوى ان اتبع سنتك فهى ابلغ من الكلام و اعظم تاثيرا من الدمع , عندئذ لن يتكلم عنك سفيه , فاعذرنى و سامحنى لتقصيرى و تقصير امتك فى حقك , و ها أنا سأبعث لك الان بسلام و اعلم ان هذا السلام سيصلك , فارجوك رد على السلام , فلقد علمتك رحيم فكن بى الان راحم و تقبل سلامى , اللهم صلى على سيدنا محمد و على آله و صحبه و سلم تسليما كثيرا عدد ما احاط به علمك و خط به قلمك و احصاه كتابك انك على كل شىء قدير
أجدع واحد في الشارع
انا ف الطريق يا زعيم
moslma
بجد كلامك بهرنى وفى الصميم واحنا بجد مقصرين فى حق الدفاع عن الحبيب الرسول وربنا يرحمنا برحمته لازم نغير من انفسنا بجد ونكون رجال يحملون الكلمه والامانه
شرفت المدونه بجد
يعني اعمل ايه فيك قولي؟
ازاي تفهم اني أقصدك في بوستي الأخير
معقوله
دا انا لسه النهارده
بأتكلم مع احد المدونين
وبقوله انك كتبت تعليق وانا كنت محوله التعليقات علشان الشتايم اللي بتيجي
غانت قلت ايه ده هو انا كل ما اكتب تعليق يتشفط
اطلع اجري المدونه دي باين عليها مسكونه
فرديت عليك وقلت لك ايوه دي مدونه مسكونه بجنيه اسمها مكسوفه
تصدق انا باين علي اللي حا ازعل
اوعي يكون حد بوقعكم في
انت لك كل الأحترام والتقدير
Post a Comment
Subscribe to Post Comments [Atom]
<< Home