يـــــــــــا خــــالـــــــــــــــــق الخــــــلــــــــــــــــــــــــــق
يا خالق الخلق كله بحكمه مقريه
لاهل البصر والبصيره صبح وعشيه
سرك فى بطن التراب
وفى الجبال مكتوب
فى الشمس تصبح بتضحك
وتنام فى حضن غروب
فى النسمه لما تهدى
على الخدود وتقول
فى الزمهرير بختشى
لما هوايا يطول
فى الصيف حبايبى كتير
اكتر من المعقول
والنبته تكبر وتطرح
من كل زهر ولون
الارض وحده...والميه وحده
بسر كـــــن فيكـــــــــــــــــــــون
حادق ومر وحلو
يا رب سبحانك
كل الوجود حكمتك
والخلق من شأنك
شوف الرمال عـــــــدها
تقدر مدام مغرور؟؟
علمك ده صفر كبير
فى العالم المسطور
سلمها للى خلق
هاتعيش سنين مستور
شوف النجوم فى السما
تقدر تطولهالى
او فى البحار من كنوز
تقدر تجيبهالى
فضلك علينا يا ربى
فوق حدود الشكر
وقدرتك مع رحمتك
شموع لاعظم فكر
يا خالق الخلق كله بحكمه مقريه
لاهل البصر والبصيره صبح وعشيه
posted by مفلس افندى الرايق | 8:04 PM
75 Comments:
صباح الخيرات لكل زوار المدونة هنا
من حسن حظي أن أكون أول المعلقين
شاعرنا الرقيق :
هذه الترنيمة :
بلغت من الروعة حد الإمتاع وحملتني على أجنحة من نور إلى فضاءات النقاء والطهر
التأمل في الذات والكون والقدرة الإلهية فن وفلسفة وقد استطاع الشاعر أن يستغل العامية استغلالاً متميزًا ,كما أنه أجاد استخدام الجرس الموسيقي والنغم الشعبي الارج في الابتهالات والأغاني الدينية إلى حد جيد
مما جعل المتلقي في حالة استغراق تام فللكلمات ووزنها القدرة على استغراق المتلقي _ في أكثرها _ بما فيها من القدرة على الغوص في النفس والتحليق في أثير الروح .
أوصي الشاعر وصية أخ
أن يعيد القراءة و(الدندنة ) لما لها من فائدة عظيمة
فهذا عمل جيد يحتاج إلى التنقية أو بالعامية التلميع فحاله حال النفائس
تحياتي وتقديري
اسمع كلام مأمون
انا موافق علي كل الي قاله
الراجل قال كل حاجه بصراحه
تحياتي
والسلام
مله بحكمة مقرية فعلا
سبحان الله
كل سنة وانت طيب
بص يا عم من الاخر انت جامد جدا جدا
بتكتب من غير ماتقوللي
ماشي :)
جوها حلو اوي يا محمود وعلشان انا عارفه ان عندك حاجات احلي مش هاعلق عنها علشان مستنيه الاحلي
بس برضه حلوة
مأمون المغازي
انا مش لاقى كلام يوافيك حقك بجد تعليقك اكثر من رائع وتنفع ناقد بجد محترم وانا اتمنى لو ملاحظ اى حاجه فيها مش عجباك تقولى عليها
تحياتى
سندباد مصري
ازيك يا زعيم منورنا انت ومامون
LAMIA MAHMOUD
سبحانه وتعالى
كل سنه وانتى طيبه يا لمياء
مـحـمـد مـفـيـد
كلامك ده تاج على راسى يا محمد بجد وبيحخملنى مسئوليه انى اكون ديما على قد ماقدر عند حسن ظنكم
saso
ازيك يا صافى انا كنت هاقولك المبارح بس ماحصلش نصيب
يا باشا الحلو كله عندك انتى فى زوقك
تحياتى
متبقاش تتأخر كدة تانى
عشان ولله بفتقدك جامد
وحلو اوى الوست الجديد
اذيك يامفلس ايه ياعم ماعددتش علينا ليه عشان نعرف انك كتبت حاجة جديدة
ده اكيد عشان رمضان كل سنة وانت طيب
انا بقي عندي ليك هدية خالد الصاوي عنده مدونة عنوانها عندي تعالي وزورني
كل سنة وانت طيب
أم أحمد
مفلس باشا: حقيفى حلوه, أنا قريتها أكثر من مره اللى عجبنى قوى فيها أنك أخذت الامور إلى أبسط الحدود وعلى الرغم من كده أظهرت حجج قويه وبرهان لفئات عديده من الناس سواء كانوا من عامه الناس أو من أهل العلم والبصيره
أن شاء الله صوما مقبولاً وأفطاراً شهياً ياصحبى
بجد فعلا انت موهووووووووووب
كروان
مممممممم جميل قوى الروحانيات دى
بركاتك يارمضان
يارب يا مدبر الكون سبحانك
فانتازياااااااااااااا
فانتازياااااااااااااااااااااااااااا
الوردة السودة
انا ماقدرش اتاخر عن الناس الحلوين تانى مره هابقى اصوم فى البلوج واهو نفطر سوى شندوتشات كومنتات كده ونحلى بكام بوست
منورانى يا طمام ههههههه
sahar
ازيك يا سحر انا عديت يا فندم من وشيه وشوفت موضوعك الجميل ودخلت عند خالد باشا
ميرسى يا باشا لزيارتك وربنا يجعله عامر
Ayyam
انت فهمت قصدى بالظبط كان لازم اخلط العاميه مع وشيه من الكلام بتاع اهل البصيره والفكر علشان الكل يفهمه وبالمره افهمه انا كمان ههههههه
اخبارك ايه يا غالى
yasser
الحمد لله انا كويس اخبارك انت ايه
انا روحت المسابقه بتاعتك اسئله جميله وكلها من المنهج
بس امتى نغير المنهج
الكروان يغنى فانتازيا
الجميل فى الكلام انك قريتيه يا كروانه
انا ببقى سعيد جدا لما الكلام بيعجبكم
كل سنه وانتى طيبه يا كروانه
حبيب قلبى
أزيك انا جيت
أيه الكلام الحلو ده
سبحان الله
ربنا يرحمنا و يغفر ذنوبنا
تحياتى يا رايق
كل سنة وانت طيب
رمضان كرييم
أحمدبلال
اخبارك ايه يا احمد باشا واخبار رمضان معاك ايه
zordeak
كل سنه وانت طيب يا باشا ونورت
تحياتى
فعلااا
سبحان اللة
ربنا كريم
مبدع عظيم
كل سنة وانت طيب
مفلس الرايق
عجبتنى الكلمات وعجبنى وصف مأمون انها ترنيمة يعنى مش بس كلمات نقراها بعنينا انما ليها لحن فى الاذن بسمعه وعنيه بتمر على الكلمات والاجمل هو وقع الكلمات والصوت على المشاعر لانها بسيطة وسهلة ومش محتاجة تمر على العقل علشان يفك طلاسم بتمر على القلب على طول
تحياتى ايها الجميل
السلام عليكم
شعور ووصف جميل , ربنا يجعل ذلك فى ميزان حسناتك
الله عليك جميله جدا جدا
وعجبنىشوف النجوم فى السما
تقدر تطولهالى
او فى البحار من كنوز
تقدر تجيبهالى
الله عليك يابرنس
ربنا يوفقك
دعاء غريب
ربنا يكرمك يا دعاء اخبارك ايه
شهروزة
ولا كلمه انتى فين يا هانم سيبانى اسبوع ادور عليكى فى البلوجات ولا كان بين عقود ماشى ماشى
tota
توته هانم ازيييييييييييك ولا سلام ولا كلام ولا كاننا معرفة بلوجات كده تختفى وتسيبينى افطر عيش وملح لوحدى
انتى فين يا دكتوره يا وزيرة الصحه
moslma
بارك الله فيك وشرفتنا بجد
تحياتى وكل عام وانت بخير
الســـاحر
ازيك يا عمنا اخبارك ايه وحشنا بجد
كل سنه وانت طيب
تحياتى وشكرا للزياره
السيد مفلس أفندى الرايق
يتشرف الأستاذ أحمد بلال
بدعوة سيادتكم على حفل عيد ميلاده الكريم
الموافق5أكتوبر من العام اللى أحنا فيه
و يقام الحفل فى البلوج الخاص به
و لكم جزيل الشكر لقبول الدعوة
ملحوظة
مش هانطفى الشمع غير لما تيجى
حضرلنا بقى حاجة حلوة كده نسمعها فى الحفلة
هوة فعلا مافيش غير " سبحانك يا خالق الوجود"
عشان الانسان ماينساش نفسه و يعلرف اد ايه هوة صغير جدا و هش جدا و يعرف عظمة ربنا
ايه يا عم انت ايز مننا ايه باظبط
بس بقا يا أ. محمود
انت اما فنان يا اما فنان
اختار وقولى بقا ؟؟؟؟
أحمدبلال
كل سنه وانت طيب يا احمد باشا انا روحت مالقتيش اى تجهيزات فى البلوج عاوز بقى اجى بكره ان شاء الله الاقى الزينه والتورته والكولا
sarah la tulipe rose
سبحانه وتعالى تعجز الالسن عن وصف عظمته لا يعلم قدره الله الا الله
أجدع واحد في الشارع
ايه يا عم الكلام الحلو ده تسلم يا ابو الفن كله
مش عارفة اقول اية ،بس بجد حلوة اوى
قلم متميز الذي كتب تلك الابيات
قلما تجد مشاعر صادقة هكذا في هذا الزمن
ذكرتني بشعر عبد الرحمن الابنودي
:)
اتمنى لك التوفيق و الاستمرار
تحياتي
الله عليك يا عم الشيخ مفلس
احلي كباية شاي و طبق بسبوسة و كنافة مني ليك علي الزجلولة الحلوة دي
الي الامام دائما
mano
كلك زوق بجد وبتنورى البلوج ديما برقت كلامك
بنـت ســعد
دى شهاده اعتز بيها من انسانه جميله زيك
ميرسى لمرورك وشرفتينى
كبير عائلات هباظه
الباشا الغالى كبير العيله نورت يا مستر اخبارك ايه
كلبوزة لكن سمباتيك
كلبوزززززززززززززززززه انتى فين يا بنتى كده تسبينى سنه من غير لا اكل ولاشرب
منوره يا اميرة مملكة التدوين
انا عاوز اى حاجه من ايدك لو حتى لحمه مشويه انا قنوع اصلى عارف ان اكلك يجنن وانا عاوز ابقى مجنون كلبوزه
سبحانه قادر ومقتدر
لكنه لن يغير شئ لعبيد كما الأصنام
shady
ياخى انت كل حاجه تحولها لسياسه هههههههه
تصدق المفروض تبقى محاور سياسى بجد
جميله جدا جدا
فى النسمه لما تهدى
على الخدود وتقول
فى الزمهرير بختشى
لما هوايا يطول
عجبنى اوى
بجد بجد الى الامام يابرنس
enta ra2e3 :D
ana ohane2ak.. i really enjoy readin ur work :)
w eb2a 3addi
مفلس افندى الرايق
معلش اتأخرت عليك بس كنت مستنى اجيبلك الخبر ده وانا جاااى
بناء على تعليمات جلالته لقد تم سحب لقب افندى منك ومنحك لقب باشا مره واحده
خالص تحياتى
الله عليك يا صاحبى
لقد جعلتنى انظر بعين المتامل فى هذا الكون لاشعر بمدى حقاره هذه الدنيا ز كم نحن ضعفاء و كم هذا الخالق رحيم بنا
تحياتى
الســـاحر
بجد انت كلك ا حساس لان المقطع ده فى روح كده عجبانى انا كمان ماهو كل واحد بيكتب حاجه بيبقى فيها جزء حابه منور يا ساحر مدونات العذارى هههههه
BaTaBeeT
ازيك واخبارك ايه مع رمضان
انا ف الطريق يا باشا يا ترى عامللنا ايه جديد ف المدونه بتاعتك
منورانى ديما
Gbalawy
مش معقول اخير الملك وافق على اللقب ماهو احنا بقينا ملكيه ولا انت ماتعرفش ههههههههههه بس لحد يسمعنا المهم اخبارك ايه يا امير
ماهو مادام انا خدت البهويه يبقى الامير
sherif gharib
شريف باشا ازيك يا زعيم انت اللى رائع بجد
تحياتى
بقالك اسبوع ساكت وهادي
انت كويس؟
طيب ابقي تعالي
ووانت جاي هات اي حاجة تتاكل
ايه يا فنان انت فين وحشتنا اووى
saso
انا كويس وعايش اهو وبدور على قطتى
ماتعرفيش راحت فين
أجدع واحد في الشارع
انت اكتر بجد يا زعيم معلشى رمضان بقى
كل سنه وانت طيب
راااااااااااائع
راااااااااااائع
راااااااااااائع
مش عارف اقول حاجة تانية لانى متثبت من ساعة ما دخلت البلوج
عندك حق
ايه يابنى انت فينك
للدرجادى مشغول
Mahmoud Serag
شكرا بجد على كلامك الجميل وسرى للتاخير ف الرد رمضان وكده بس بعد رمضان ان شاء الله هكون موجود كتير
شرفتنى
Shara
ميرسى للمرور وكل سنه وانت طيب
ody911
نورت يا باشا بالمرور وسرى للتاخير
الوردة السودة
معلشى يا باشا رمضان بقى ومابدخلش كتير بس بعد رمضان هاكون موجود وهارجع بكثافه ان شاء الله وشكرا بجد على سؤالك
اغــــــــتــنــــمـــوا العشر الاواخــــــــــــــــــــر
كل سنه والكل طيب ورمضان كريم
أنت فين ؟
أحمدبلال
كل سنه وانت طيب يا اححمد باشا
معلشى رمضان قرب يخلص وهنرجع بنشاط ان شاء الله
كل سنه وانت طيب يا باشا
فنان بجد
ربنا يبارك لك
ما شاء الله عليك
Epitaph
بتنورينى ديما بجد بزوقك وكلامك
كل سنه وانتى طيبه وان شاء الله بعد رمضان هرجع بنشاط اكتر وهعيد عليكم كلكم لانكم بجد وحشتونى
تحياتى
كليوباترا
بجد زوقك فوق الوصف والشرف ليه انا
واتمنى نتبادال الزيارات ديما
كل سنه وانتى طيبه
تحياتى
تعالى زورنى
فى جديد
تعالو بسرعه ادعو معايا
الحق اليوم الاخير ليله القدر
وادعى معايا
وقول امين
كل سنه وانت طيب
يامفلس
أفندي
انت فين
مجتش عندي من مده
موش واخده علي كده
والا
خلاص اتغرت في نفسك
علشان قلت لك
مافيش قبلك ولابعدك
تحياتي
لشخصك المبجل
اللهم ان لي احبة قد قصرت بحقهم و انشغلت عن وصلهم فعطر ايامهم بالايمان و تقبل منهم و منا صالح الاعمال ..امين يا رب العالمين و كل عيد و انتم من السعداء المغفور لهم
تحياتي
gwad
كل سنه وانت طيب وسرى للتاخير بجد بس هانت وان شاء الله نرجع بنشاط
تحياتى
أجدع واحد في الشارع
ازيك يا زعيم كل سنه وانت طيب
MAKSOFA
مكسوفه هانم هو انا اقدر برضه ابعد عن سيادتك بس هو رمضان بقى كل سنه وانتى طيبه ثم لو اتغريت ليه حق اتغر لان سيادتك بتشرفينى ديما ف المدونه
بس انا مابتغرش هههههه لتحسبينى بقى بقيت عامل البيه البواب
تحياتى
كلبوزة لكن سمباتيك
منوررررررررررره البلوج كده يبقى الواحد يعيد بضمير مرتاح علشان اطمن عليكى انا قولت انتى انخطفتى ولا حد بلغ عنك فى مكافحة الجميلات وقبضوا عليكى هههههههههههه
كل سنه وانتى طيبه يا استاذتى المفضله
This comment has been removed by a blog administrator.
allah 3alek ya mamoom
nice post
nirfana
كل سنه وانت طيب يامفلس
لسه مفلس ولا بتقول كده عشان العيديه
فانتازياااااااااااااااا
فانتازيااااااااااااااااااااااا
This comment has been removed by a blog administrator.
nirfana
nice poste cause u croos on it
شوفتينى وانا بتكلم اجنبى مش انفع اعمل ممثل اجنبى زى عبدالفتاح القصرى
ههههههه
نورتى المدونه بجد
الكروان يغنى فانتازيا
كل سنه وانتى طيبه يا كروانتى اخبارك ايه يا باشا؟؟؟
فين العيديه
انا جاية اقول كل سنة وانت طيب وعيد سعيد عشان لاقيت البوست اللى فوق عليه شمع احمر !
بس سعيد واخد على خاطره منك قوى!!
بالسهولة دى هانطاطى وننسب العيد لغير اهله!
حتى العيد بقى مبارك:(
كل سنة و انت طيب
و عيد سعيد عليك يا باشا
شوف لنا موضوع البوست الجديد
رافض التعليقات ليه
دى تبقى مصيبة
اننا منعرفش نتكلم على البلوج
كمان :x
:D
شاهدوا فيلم العيد
كلبوزة علي الجبل
فيلم رعب
تعالى و هات حبايبك
عيد سعيد و بلاش مبارك
زعرورة
Mahmoud Serag
كلبوزة لكن سمباتيك
كل سنه وانتوا طيبين يا جماعه كلكم
انا ماعرفش ايه موضوع البلوج النهارده الموضوع كل ما احطه ادخل بعد شويه الاقيه وقع من البلوج
ومناس تقول مايبقلش كومنتات ماعرفش الظاهر فى عيب كوكنشكن
وبعدين بقي
بقالي ربع ساعة باحاول افتح الكومينتس في البوست الاخير مش عارفه
خلاص كل سنة وانت طيب هنا مادام مش عارفة اقولها هناك
عيد سعيد يا جميل
saso
انا مش فاهم فيه ايه تالت مره احط الموضوع ويقع من البلوج وناس تقول مابيقلبش كومنتات
كل سنه وانتى طيبه يا صافى
تحياتى يا جميل
كل سنة وانت طيب وعيد سعيد
و فى انتظار جديدك
mano
كل سنه وانتى طيبه
انا كمان نفسى ارفع موضوع جديد بس عندى مشكله ماعرفش البلوج ماله
ميرسى على زيارتك ديما
عيد سعيد
رائعة بحق تلك الترانيم
و لا اعلم هل تكمن روعتها في عاميتها أم في شفافيتها و صدقها
المهم إنها مست القلوب بحروفها النورانية
اخى الفاضل
تشرفت حقا بقراءة بعض ابادعاتك
و ان شاء الله احاول ان اعبر عن بعضها بتصاميم ان ساعني الوقت و اسمح لي باضافتها لمدونتي الخاصة بأعمال الراحل صلاح جاهين
http://w3gbi.blogspot.com/
كل عام و انت بخير و الى مزيد من التألق و الابداع
منة الله
انا بصراحه ممنون جدا من كتر كلامك الزوق واسلوبك الراقى ويشرفنى انى اضيفك عندى علشان يزيدنى شرف بجد
وربنا يجعلنى ديما موفق انى اكتب حاجات تليق بيكم
كل سنه وانتى طيبه وتحياتى
مفلس
كل سنة وانت طيب يا راايق
وعيد سعيد على ما اعتقد يا باشاا
فين البوست الجديد ؟؟؟
شهروزة
وانتى طيبه يا باشا
فى مشكله الظاهر ف البلوج انا متضايق جدا انا كمان كل ما ارفع موضوع يقع فى خلال ساعه وخلال ما هو موجود ع البلوج ما بيقبلش كومنت كمان وبعد كده يقع
fayroze
نورتى البلوج يا باشا وياريت نشوف اعملك وكلامك اللى جواكى مهما كان الاسلوب لازم تخرجى اللى جواكى وكلنا هنسمعك ويشرفنا
كل سنه وانتى طيبه
تحياتى
انا كل ما ارفع موضوع يظهرى المسج ده والموضوع يقع من البلوج بعد ساعه
Your post was not saved due to a database error. An engineer has been notified. Please copy your post to your computer and try again later. You can check Blogger Status for information about known problems with Blogger.
اللى عنده خلفيه يقولى لانى متضايق جداااااااا من الحكايه دى
همس الليل
كل سنه وانتى طيبه هو الكومنت بتاعك وردى عليه راحوووووووووا فين
كل سنه وانتى طيبه وهابحث مع الشرطه على كومنتك اللى طار ده
عجبنى جدا جدا البوست ده بس انا مش عارفه اصنفه ده شعر عاميه ولا خواطر ولا زجل؟
آسفه على السؤال اصلى مش بفهم فى الشعر اوى بس المهم ان الكلام معبر جدا جدا
الف شكر يا عربي على التنويه عن مدونتي
وتحياتي لك ولجميع الأصدقاء
Post a Comment
Subscribe to Post Comments [Atom]
<< Home