كل عام وأنتم بخيـــــــــــــــــــــــــــــــــــــــــــــــــر
نداء عاجل للبلوجريه
انا مش فاهم ايه القضيه
مافيش موضوع بيثبت
فى المدونه ديه
كل ما ارفع موضوع
الاقي الكومنت ممنوع
هى ايه الحكايه
ولا ايه القضيه
يكون البلوج بتاعى
نهبوا شوية حراميه
المهم يمكن الموضوع يترفع
المره ديه
تعالوا نهيص بقى
وننسى همومنا شويه
العيد هل علينا
بالكحك والعيديه
واللبس الجديد يا عيال
وصلاة العيد الصبحيه
ونرجع نفطر بقى
فول ومخلل و طعميه
و لا حد هيقولى
فول ايه يا شحات
نفطر لحمه مشويه
خلاص وانا مالى بالاكل
لو حتى تشربوا عصير
ملوخيه بالتقليـــــــــــــــــــه
مره وانا صغير ف العيد
شربت بيبسى كولا
واتارى دى مايه غازيه
والصودا مش معقوله
لقيت بطنى بترقص
على نغمة هولا بولا
وكله من البيبسى كولا
قولت للبقال دى خمره؟
قال بس يا فلاح
دى رغاوى صابونه
تشربها تبقى نظيف
وتلبس الجيبونه
وتبقى واد رشيق
وتتعاكس من البلكونه
قولت يا عزى يا وعدى
هابقى يا ناس مشهوره
واتحول من افندى
لسيدتى القموره
يا حلاوتك يا كوكا كولا
ومره تانيه ركبت
حصان ايجار معفن
وعامل نفسى فارس
قال يعنى واد متمكن
وهوب جرى الحصان
والرعب كلبش قلبى
وطار منى اللجام
ومغص كركب بطنى
ولقيتنى بعيط واصرخ
وماحدش راضى يساعدنى
وسط الزحمه لقيت
حماره بنت عز
صعب عليها حالى
قالت للحصان هش
وقف الحصان وقال
شي حا ياحماره
يا ام احلى وش
ضحكت الحماره وقالت
عاوز تعاكسنى يا حصان
ومهرتك تعرف
وتدينى من الشتيمه دش
لو عاوزنى ف الحلال
انا حماره بنت عز
وبفطر لحمه وفراخ
وبتغدى كمان وز
وبتعشى باتون ساليه
عليه فته ورز
ذكريات كتير للعيد
فى دماغى وحكايات
ومقالب اصحاب طفوله
واصفى الضحكات
مش عاوز اطول عليكم
قوموا اشربوا الشربات
وسيبوا الفرحه تكبر
وانسوا الهم شويه
وورونى الابتسامات
يا اجمل بلوجريه
واعز ناس عليه
وجودكم حواليه
اجمل واكبر هديه
من قلبى ببعت ليكم
ارق واحلى تحيه
وعيد مبارك عليكم
هاتوا بقى العيديه
انا مش فاهم ايه القضيه
مافيش موضوع بيثبت
فى المدونه ديه
كل ما ارفع موضوع
الاقي الكومنت ممنوع
هى ايه الحكايه
ولا ايه القضيه
يكون البلوج بتاعى
نهبوا شوية حراميه
المهم يمكن الموضوع يترفع
المره ديه
تعالوا نهيص بقى
وننسى همومنا شويه
العيد هل علينا
بالكحك والعيديه
واللبس الجديد يا عيال
وصلاة العيد الصبحيه
ونرجع نفطر بقى
فول ومخلل و طعميه
و لا حد هيقولى
فول ايه يا شحات
نفطر لحمه مشويه
خلاص وانا مالى بالاكل
لو حتى تشربوا عصير
ملوخيه بالتقليـــــــــــــــــــه
مره وانا صغير ف العيد
شربت بيبسى كولا
واتارى دى مايه غازيه
والصودا مش معقوله
لقيت بطنى بترقص
على نغمة هولا بولا
وكله من البيبسى كولا
قولت للبقال دى خمره؟
قال بس يا فلاح
دى رغاوى صابونه
تشربها تبقى نظيف
وتلبس الجيبونه
وتبقى واد رشيق
وتتعاكس من البلكونه
قولت يا عزى يا وعدى
هابقى يا ناس مشهوره
واتحول من افندى
لسيدتى القموره
يا حلاوتك يا كوكا كولا
ومره تانيه ركبت
حصان ايجار معفن
وعامل نفسى فارس
قال يعنى واد متمكن
وهوب جرى الحصان
والرعب كلبش قلبى
وطار منى اللجام
ومغص كركب بطنى
ولقيتنى بعيط واصرخ
وماحدش راضى يساعدنى
وسط الزحمه لقيت
حماره بنت عز
صعب عليها حالى
قالت للحصان هش
وقف الحصان وقال
شي حا ياحماره
يا ام احلى وش
ضحكت الحماره وقالت
عاوز تعاكسنى يا حصان
ومهرتك تعرف
وتدينى من الشتيمه دش
لو عاوزنى ف الحلال
انا حماره بنت عز
وبفطر لحمه وفراخ
وبتغدى كمان وز
وبتعشى باتون ساليه
عليه فته ورز
ذكريات كتير للعيد
فى دماغى وحكايات
ومقالب اصحاب طفوله
واصفى الضحكات
مش عاوز اطول عليكم
قوموا اشربوا الشربات
وسيبوا الفرحه تكبر
وانسوا الهم شويه
وورونى الابتسامات
يا اجمل بلوجريه
واعز ناس عليه
وجودكم حواليه
اجمل واكبر هديه
من قلبى ببعت ليكم
ارق واحلى تحيه
وعيد مبارك عليكم
هاتوا بقى العيديه
posted by مفلس افندى الرايق | 7:56 PM
37 Comments:
يا رب الموضوع ما يقع من البلوج اصلى تلات ايام بحاول ارفع موضوع جديد بمناسبه العيد على البلوج
كل سنه وانتم طيبين
تحياتى
MA7MOUD***
This comment has been removed by a blog administrator.
كل سنة و أنت مفلس
كنت رايق أو مهييس
كل سنة و صاحبنا واطى
و أنت ساكت أو مِطاطى
كل سنة و أنا برضه جارك
جاى بصرخ عيد مبارك
بلقى حضنك لسه دافى
بس برضه ماشى حافى
:)
=====================
حمد الله على سلامة البوست
كفارة يا راجل
انا كنت كاتب التعليق و مستنى البلوج يتضبط علشان أرد انت غيرت البوست الأولانى ليه يا شقى
:D
*على فكرة المعتقل مقفول من كتير عاوز تلاقينى بكون موجود فى الدكانة التانية :)
و كل سنة و انت طيب
كل سنة وأنت طيب
سعيدة بأول زيارة ومبروك ظهور البوست الجميل
عفوا نسيت اسألك انت ليه عامل 2بلوج اقصد العار وعربى منة فيه مع انه هنا وهناك مفيش فرق تقريبا...
اسفة لو تجاوزت الحدود
طيب اعلق ولا استني شوية
لا شكلة هيثبت ماشي كل سنة وانت طيب للمرة الخمسين
:)
ولو البوست اترفع مش هاقولها تاني
ده انا اجي اقولهالك بنفسي اسرع
Mahmoud Serag
موضوع ايه اللى تقصده انا كتبت تلات مواضيع قبل الموضوع ده وكلهم طاروا ثم انا اكيد انت قريت اللى كتبته قبل كده ولسه موجود ف البلوج زى حكومه مركزيه
وكنت عامل بوست اسمه كش ملك ناس قالوا مش مناسب للعيد والفرحه شيله لبعد العيد يبقى افضل
كل سنه وانت طيب
بعدك على بالى
يا اهلا بيكى وانا سعيد بزيارتك
بصى يا سيتى بالنسبه لبلوج العار انا كنت عامله فى اول ما عملت البلوج وماكنش عندى الفكر نوعا ما عن البلوجات ولو بصيتى على اخر موضوع ف بلوج العار هتلاحظى انه من وقت بعيد وما كتبتش حاجه تانى فيه
وتركيزى كله بقى فى عربى منه فيه ولما احس انى ممكن اكتب حاجه باسلوب محتلف هاكتبها ف العار علشان ما يبقاش القسمين متشابهين
نورتى المدونه بمرورك وكل سنه وانتى طيبه
تحياتى
كل سنه وانت طيب
وعيد سعيد عليك
معلش جت متأخرة
saso
وانتى طيبه يا صافى
اصلى رفعت الموضوع بعد الفجر والظاهر النت كان كويس بس نمت متاخر هههههههه وكان ورايا مشوار سفر ماروحتش
يلا كله فدى الشعب
تحياتى
كل عام وانتم بخير وبعوده الايام
وحلو اوى الاسلوب الفرفشاوى ده
tamer afify
وانت طيب يا زعيم وشرفت المدونه
hend
وانت بخير يا هند
كويسه انه عجبك اصل البوست ده تعبنى على ما اترفع ع البلوج
كل سنه وانتى طيبه
تحياتى
كل سنة وانت طيب
وعيد سعيد
========================
الامبراطورية المفقودة
عالم مختلف
www.lost-empire.blogspot.com
the emperor
كل سنه وانت طيب يا زعيم
وبجد زورت مدونتك جميله فعلا وغنيه بمعلومات احب جدا انى اعرفها
شكرا للزياره والمعرفه
تحياتى
أخيرااااا
كل سنة وانت طيب وبلوجك مطاوعك
كل سنه و انت يا مفلس بالصحه و السلامه
على فكره كل الذكريات اللى انت قولتها ديه كلنا ان لم يكن معظمنا عيشناها و كل ما بنفتكرها بنتمنى ان الايام تعود تانى و نقدر نعمل كا ده
و لكن هل يقبل الزمن هذا
و معلش بقى على موضوع العيديه ده
تحياتى يا نجم
باين عليك بتاجر البلوج
علي العموم
كل سنه وانت طيب وفين البوست السابق بتاع كش ملك
كل عام وانت بخير:)
عجبنى اوى البوست ده وكل سنه وانت طيب. ادينى رديت الزياره
كل سنه وانت طيب
كلامك متظبط
يا مفلس افندي
تسلم يداك
وابجى تعالا شتي عندنا
هههههههههههه
كل سنة و انت طيب يا عم الرايق
كل سنه وانت طيب
ويارب يكون عيد سعيد عليك
تعليقى راح فين؟
أنا كنت معلق قبل كده
عيد سعيد
عليك و علينا
على فكرة
ده بيحصل لما يكون العنوان بتاع البوست كبير
حصلتلى قبل كده
زعرورة
كل سنه وانتى منوره البلوجات
اخبار العيد معاكى اييه؟
sherif gharib
مافيش اجمل من زكريات الطفوله كان العيد بجد له طعم
بس الظاهر اللى بيروح ما بيرجعش بسهوله خصوصا الفرحه الصادقه
مـحـمـد مـفـيـد
كل سنه وانت طيب يا باشا
البوست كش ملك شيلته لبعد العيد علشان نفرح مع بعض بالعيد وهانزله تانى ان شاء الله
ايمان
كل سنه وانتى طيبه يا ايمان اخبار العيديه ايه لمتى كام لحد دلوقتى ههههههههههه
تحياتى
i`m just depressed
نورتى البوست يا باشا كل سنه وانتى طيبه
تحياتى
yellowkitty
كل سنه وانت طيب
شرفت البلوج
سلمى صلاح
ازيك يا سلمى
الموضع اللى فات وقع من البلوج وحاولت احطه تانى مانفعش وكان فى مشاكل ف البلوج فكتبت موضوع تانى
بجد منوره البلوج والعيد زمان واحنا صغيرين كان كله فرحه وبهجه بجد
ربنا يجعل ايامك عيد كلها ياباشا
LionKing
كلامك كله زوق يا باشا ونورت المدونه ويا يرت نتبادل ف الزيارت
تحياتى
Epitaph
انت فيننننننننننك من زمان
كل سنه وانتى طيبه يا باشا
فين العيديه
لولا
كل سنه وانتى طيبه يا لولا اخبارك ايه واخبار العيد معاكى ايه
أحمدبلال
ازيك يا احمد كل سنه وانت طيب
سورى بقى البوست طار
تحياتى
الرايق قوى
كل سنة وانت طيب وبلاش تفتكر الذكريات القديمة وبعدين انت مش من جيل سينالكو ايه وداك لبيبسى كولا وكوكا كولا دى اشياء دخيلة مستحدثة
ابدأ اعمل صفحة ذكريات جديدة من يوم ما عملت مدونة واحتفظ بكتاب الذكريات ده مع كل عيد ضيف عليه وانشر اللى فيه
تحياتى
tota
انا من جيل اللموناته هههههه اللى كانت فى فوارغ قبل اختراع الكولا
ايام السحتوت والمعدن والقرش
قبل ما اعاصر وقت الكدب والسرقه والغش
هاعمل ذكريات مفلس فى العشرينيات
اخبارك ايه ؟؟
تحياتى الى العزيزه توته
نداء عاجل الي السيد.. مشيها مفلس
يلا تعالي لاحسن اجي اجيبك من البلوج بنفسي
يا مفلس افندي
انا كمان مش عارفة ارفع اي موضوع
بيقولي
there's an error :(
و الحل ايه؟؟
ماكولش لا سمك و لا بيض
ههههه
افيدونا افادكم الله
و منجيلكومش في حاجة وحشة
هههه
ادي يا سيدي احلي عيدية
فول بالطماطم و البصل و التقلية
و احلي ليمونة معصورة بحنية
و جنبها فحل بصلو شوية ملوخية
لعنين اطيب بلوجري في البلوجرية
--
يا مفلس من فات قديمه تاه و داب
و مافي احلي من ايام الصبا و الشباب
بكرة تفوت و الشعر الابيض يهجم
و نرجع نقول يا ريت الشعر ما شاب
و عجبي
ايه الدربكة دى يابنى
انا مفهمتش حاجة على بعضها
او بمعنى اصح مش فاكرة حاجة من اللى انت قولتها
كل سنة وانت طيب
saso
لا تيجى ولا بتاع انا جاى اهو ف الطريق
Epitaph
هو المرض انتشر عندك انا ماعملتش اى حاجه ف البلوج وفضلت تلات ايام احاول لحد ما لقيت الكونكشن انظبط
بس برضه هاحاول افهم السبب واقولك لان ماينفعش ما البلوج بتاعك يتعطل لتقوم ثوره
كلبوزة لكن سمباتيك
يا بنتى حرام يبقى عندك الموهبه دى وما تستغليهاش بجد انتى رهييييييييييبه وكلامك موزون قافيه ووزن وكله تمام
يا معلمه غيرى الصنف مره وسمعينا حته عجبى منك ف البلوج بتاعك
حمد الله على سلامتك يا زعيمتنا الكبيره وتانى مره يا بنتى ما تعمليش الحاجات الوحشه دى وتسافرى ياختى من خرج من داره اتقل مقداره
الوردة السودة
ازيك يا استاذه اخيرا ظهرتى
يا بنتى اقريه البتاع اللى كاتبه ده بالراحه تلات مرات قبل الاكل واتنين بعد ههه وانتى هتفهميه
دى يعنى زجل ف صورة هزار
يعنى موقف الكولا ده عادى كنت باخد العيديه واشرب بيها وكلا وانا صغير قوى وباقى الزجل كروح دعابه
وبالنسبه للحصان كنت بتاجر حصان الف بيه والباقى روح دعابه
فى النهايه عاوز اقولك
كل سنه وانتى طيبه
حلو قوى البوست ومتألق كالعادة
مفلس افندي الرايق
بجد لو عرفت قولي..احسن انا اتخنقت امبارح يا دوب رضي ينشر بالعافية..بس عمل مصيبة تانية ههههه
يا ريت لو عرفت حاجة
اديني ترنك مصر
شكرا يا باشا
This comment has been removed by a blog administrator.
mano
انتى فينك يا باشا
الحمد لله انه عجبك اصلى حاسس انه مش قد كده
تحياتى
Epitaph
هههههههههههههههه تصدقى بالله حصلت عندى تانى وعاوز احط موضوع جديد ومعذبنى هههههههههههههههههههه
10:35 AM
جامد قو البوست ده يا عربي
تحياتي
ربنا يجازيك خير ع شوية الضحك اللى ضحتكتهم بسببك دول
ويارب يجعل ايامك كلها اعياد علشان تضحكنا كده ع طول
هههههههههههههههههههههههههههه
Post a Comment
Subscribe to Post Comments [Atom]
<< Home