وصمـــــــــــــــــــــة عـــــــــــــــــــــــــــــار
خبر ازعج كل بيت وكل دار
كلنا سمعنا عن حالة السعار
اللى بتعكس لينا حالة الانهيار
مها اكتب مش كفايه
مهما اوصف الحكايه
صعب يعبر كلامى
عن مدى حزنى والامى
ثورة جامحه للجياع
بينعكس فيها الضياع
والانحادر ف القيم
وصرح تقاليدنا انهدم
صعب يوصف قلمى حالى
صدمه هزت كل كيانى
ازاى وصل تفكير شبابنا
ان يتحرش باخته
فين غيرة الرجال
وحفظه لشرفه وعرضه
احنا عايشين جوا غابه
ولا ايـــــــــــــــه
القوى عايش براحته
والضعيف نقضى عليه
البنات اللى بيبكوا
واللى خايفين من مصيرهم
ليكونوا زى غيرهم
قولولى ذنبهم ايه
ايوه كل بنت خايفه
لتقع فريسه ليهم
ايوه لازم لينا وقفه
وباروحنا لازم نحميهم
ايوه لازم نخطى خطوط النار
ونعرف ايه سبب الانهيار
لو سكتنا..يبقى مصيرنا الدمار
اللى حصل فى حقــّــنا
ده وصمة عــــــــــار
ثورة الهياج اللى قامت
قامت من همج ضمايرهم ماتت
واى راجل حر و شهم
النار ف عروقه قادت
ومستحيل بعد اللى شافه
هيفضل فى كهفه ساكت
طعنة جهل غرزت فينا
وقسمت ظهر قيامنا العليا
دينـّـــا واحده يا ناس يكفينا
نرجع ليه بقلوبنا الطاهره
ويا رب يا عالم تهدينا
وتنور بصايرنا العتمه
لازم وقفه قويه بجد
اللى حصل كارثه ودمار
صرح قيامنا خلاص اتهد
وبايدنا نصحح افكار
كفايه بقى عن دينـّــــــــا بعد
لازم يرجع لينا نهار
عار عار عار
اللى حصل ده وصمة عـــــار
كلنا سمعنا عن حالة السعار
اللى بتعكس لينا حالة الانهيار
مها اكتب مش كفايه
مهما اوصف الحكايه
صعب يعبر كلامى
عن مدى حزنى والامى
ثورة جامحه للجياع
بينعكس فيها الضياع
والانحادر ف القيم
وصرح تقاليدنا انهدم
صعب يوصف قلمى حالى
صدمه هزت كل كيانى
ازاى وصل تفكير شبابنا
ان يتحرش باخته
فين غيرة الرجال
وحفظه لشرفه وعرضه
احنا عايشين جوا غابه
ولا ايـــــــــــــــه
القوى عايش براحته
والضعيف نقضى عليه
البنات اللى بيبكوا
واللى خايفين من مصيرهم
ليكونوا زى غيرهم
قولولى ذنبهم ايه
ايوه كل بنت خايفه
لتقع فريسه ليهم
ايوه لازم لينا وقفه
وباروحنا لازم نحميهم
ايوه لازم نخطى خطوط النار
ونعرف ايه سبب الانهيار
لو سكتنا..يبقى مصيرنا الدمار
اللى حصل فى حقــّــنا
ده وصمة عــــــــــار
ثورة الهياج اللى قامت
قامت من همج ضمايرهم ماتت
واى راجل حر و شهم
النار ف عروقه قادت
ومستحيل بعد اللى شافه
هيفضل فى كهفه ساكت
طعنة جهل غرزت فينا
وقسمت ظهر قيامنا العليا
دينـّـــا واحده يا ناس يكفينا
نرجع ليه بقلوبنا الطاهره
ويا رب يا عالم تهدينا
وتنور بصايرنا العتمه
لازم وقفه قويه بجد
اللى حصل كارثه ودمار
صرح قيامنا خلاص اتهد
وبايدنا نصحح افكار
كفايه بقى عن دينـّــــــــا بعد
لازم يرجع لينا نهار
عار عار عار
اللى حصل ده وصمة عـــــار
posted by مفلس افندى الرايق | 7:34 AM
64 Comments:
حسبنا الله ونعم الوكيل
و الله اللى حصل ده كان يقرف أوى
بجد تقززت من الفكرة
ماتخيلتش أن ده ممكن يحصل فى الشارع بكل بجاحة و قرف كده
مش ممكن كل البنات دى يكون الغلط منهم
حسب ما قرأت فى منهم محجبات و منقبات
طيب الغلط فين
أيه الشباب هايج و خلاص يعنى
بجد كان موقف محرج
محدش فيهم حسب أن ممكن أخته أو أمه أو بنت عمه و لا بنت خاله أو أى حد من قرايبه ممكن تكون مكان البنت دى
حسبنا الله و نعم الوكيل
ملحوطة
كويس أنك علقت الاول علشان تتأكد أن البوست شغال
أحمدبلال
معاك حق يا احمد فى كل كلامك وماحدش فاهم ايه اللى حصل ده غريبه فعلا والاغراب انهم هجموا على اى بنت او ست محترمه ومنقبه
لازم ردع للى اتصرفوا بالهمجيه دى
شكرا بجد انت فاهمنى وكده اتاكدت ان البوست شغال
تحياتى
الموضوع متهيألى مجرد تفريغ للقهر اللى واقع عليهم من خلال العنف بس ملابسات العيد وسينما ميامى وعلا غانم خلته فى شكل جنسى وكمان البنات كانوا الحلقة الاضعف فى سلسة القهر ففرغوا فيهم القهر اللى واقع عليهم علشان لو حالوا يحرقوا محلات او يولعوا فى اتوبيسات كانوا حيتعرضوا لسخط النظام
لكن اعتقد ان دى مجرد بداية لحوادث اكثر عنفاً وبأشكال أخرى
لازم تحصل حالة سعار
زى الجعان و لا الصايم اللى لاقى نفسه بيشتغل ليل نهار في مطعم بيقدم من خيرات الله و محروم منها
الشباب دول كده
ضايع بلا مستقبل و لا بيت و لا وظيفة و لا أمل في بكره ضيف عليهم ضياع ديني و اخلاقي و فكري
الشباب دول مش بس جناه لكن ضحايا
مش بدافع عنهم الله يلعنهم لكن المغريات من كل جانب محصراهم
بالشارع بالنت بقنوات الدش
كل المغريات تخلي الحجر يتحرك و الشهوة تعلى و مفيش طريق للتنفيس عنها بطرق شرعية
النخوة الرجولة الشهامة كلهم اشياء اندثرت و موضة قدمت زي موضة الطربوش يا اخى الكريم
منهم لله اللى كانوا السبب
shady
الاخ الكريم شادى
المشكله زى ما بتقول ان دى البدايه والخوف من اللى جاى
شباب بتتحطم كل احلامهم وجواهم كبت وجياع جنسى ....يا رب سترك
بس برضه مش مبرر انه يتحرش ببنات زى اخوته او زى امه او مراته
كلنا متفقين على ان شبابنا مدمر بس برضه مش معنى كده اننا ينحدر بينا الخلق لهذا الحد
منة الله
المشكله يا منه ان دى ظاهره خطيره لو بدات تنتشر هيبقى مصيبه ومافيش بنت هتخرج من بيتها
احنا دلوقتى مش بندافع عن حد او بنلوم على حد
احنا عاوزين وقفه للموضوع ده لانه لو انتشر هتبقى كارثه
محتاجين نرجع لدينـّا لاننا بعدنا عنه قوى
ولا حول ولا قوة الا بالله
ربنا يرحمنا بجد من الايام السودة دى، والله الواحد مش عارف يصدق ، عقلى رافض يستوعب ، معقول كده وبعد الشهر الكريم
اللهم ما ارحمنا...
تحياتى لكتابتك
محمود
بجد ربنا يرحمنا
لكن الغلط فى مين فى ايه؟
اهم حاجة قله الدين
واصلا كل الاوضاع غلط هاتصلح ايه ولا هاتثور على
الفكرة مخيفة و مقززة فعلا
ربنا يستر علينا و يرحمنا
____
ربنا يهديلك البلوجر دايما يا رب
:))
يا حاج مفلس انت واد عبقرى فى بلد بنت جزمه وبعدين الموضوع اللى حصل ده اكيد مش مصريين دول عشان يعملو كده مع انى شايف الصور فى الوعى وعارف انهم مصريين يا جدعان هى خربت من يجى 30 سنه مش هتعمر دلوقتى
ودول ناس زباله
بس معذورين
وما تستغربش من كلمه معذورين عارف ليه
سيدنا عمرو ما قطعش ايد اللى سرق وقت المجاعه
وافهم انت الباقى
العيال ما صدقت
ربنا يرحمنا برحمته من بلدنا
طالما قلمك لو يسكت
فهناك أمل
ان تنصروا الله ينصركم و يثبت اقدامكم
لا تجعل الياس يتسرب الى نفسك يا مفلس افندى
من سيتخاذل الان .. سيتخاذل الى الابد
تحياتي
enta betfakarny b a good friend
check his blog..howa byekteb nafs el e3teradat...
http://manshorat.blogspot.com
السباب اللي عملوا كده يستاهلوا الدبح مهما كان الكبت و القهر بس البنات دول ذنبهم ايه؟؟؟؟؟؟؟؟
دول كان فيهم منتقبات و محجبات!!!!!
بعدك على بالى
ماحدش قادر يستوعب وان شاء الله تكون حاله عارضه وفريده وعديت لحالها
moorgen
ربنا يسترها يا شيرى اصل الاوضاع بقيت صعبه جدا الايام دى والانحلال زاد جدا والبعد عن الدين يوم عن يوم بيزيد عن معظم الناس الا من رحم ربى
Epitaph
ربنا يسترها وماتتكررش الحكايه تانى
انتى البلوج بتاعك لسه معلق انا قعدت اكرر فى رفع الموضوع لحد ما لقيته ثبت على البلوج مش فاهم السبب ايه
yasser shams aldien
اولا انا اتشرفت جدا جدا بالزياره
احنا مش بندافع عن الشباب بس برضه لازم حل للشباب يا جماعه فى كبت جواهم رهيب ولا عارفين يتجوزوا ولا شغل ولا حتى اى حاجه ودى كارثه وبركان ممكن ينفجر فى لحظه ووقتها هندمر ارواحنا بايدينا
سيدنا عمرو ما قطعش ايد اللى سرق وقت المجاعه
يا ريت الكل يفهم الجمله دى
الاول نلاقى حل للمجاعه ولما الكل ياخد قوت ولو بسيط بس يساعده على المعيشع وقتها نعاقب اللى يسرق
فاهمين يا جماعه
بنـت ســعد
القلم مش بيسكت بس مين يقرى ومين يسمع
الموضوع ان لازم نلاقى حل للتدهور اللى وصلنا ليه فى كل حاجه
ان كان تدهور دينى او اخلاقى او قيامى او اقتصادى او او او
احنا عاوزين وقفه مع نفسنا صريحه
BaTaBeeT
ازيك يا بطوطه انا زورت اللينكه وبجد قريبين انا وهو قوى من التعبير
تحياتى
soha
كلنا معاكى يستاهلوا كمان اعدام فى ميدان عام بس وبعدين ماهو طالما الاسباب هى هى ومافيش اى امل للشباب الكبت بيزيد
دعاء غريب
ازيك يا دعاء
الحمد لله ان الكلام عجبك والاسلوب واهو الواحد من اللى جواه واللى بيحصل بيحاول يعبر
اصل الموضوع ده وصمة عار فى جبين اى راجل حر بجد ولازم من غيرة الرجال على عرض بنات بلدهم اللى مالهومش اى ذنب
تحياتى
انت يمفلس يارايق لخصت الموضوع كله في ثلاث نقاط وهي الأخلاق والدين والقيم نسيت الفقر........... نسيت دور الحكومه لكن في النهايه محاوله جميله منك لإخراج ما بداخلنا
human
انا قاصد الاخلاق والقيم والدين لان دول من مبادئنا وتعاليم دينا ومهما كانت الظروف المحيطه لازم نتمسك بدينا
يعنى مش مبرر مهما كان فقر او حكومه ان شباب يهجموا على بنات ويتحارشوا بيهم
عارف ان الحكومه والفقر والبطاله ممكن تولد اى انفجار داخل الشباب بس الا اننا نتحرش ببنات زى اخواتنا
علشان كده ركزت على الدين والقيم والاخلاق دول اللى بايدنا نتحكم فيهم
تحياتى
لسبب ما اشعر ان الكلام فى الموضوع ده ممكن يكون فيه مبالغات كثير
لأني لا يمكن اصدق ان دى مصر
انا مش من القاهره
و صحيح بحاول لما أخرج في العيد أتجنب المشى فى الشارع وبخرج بالعربيه لأن المعاكسات بتكون زياده.بس عمرى ما أتخيل انها وصلت لكده في اي مكان في مصر
بس لو كان كل الى اتقال حصل من غير مبالغات
يبقى يا ولكم يا ولكم فى عصر البيبر سبراى
"pipper spray"
كل السيدات بره بيمشوا بيه تجنبا للتحرشات الجنسيه
ومادامت مصر اتنورت للدرجه دى
يبقى لآزم اعمل مشروع لتوزيع مضادات التحرش
من مسدس كهربي وبيبر سبراى والذى منه
ويبدوا ان الشغلانه دى هتكسب
وشكرا على تعبيرك الثرى و المميز عن نبض الشارع يا مفلس باشا
و نورت البلوج عندى
انا من الناس اللى علاقتهم بالكمبيوتر تقتصر على السيرش والأوفيس
لزوم الشغل فعندى سؤال ينم عن جهلى ممكن؟
انا حاولت كثير اعمل لينك للبلوجز المميزه بالنسبه لي
وعملت زى ما الهلب مينيو بتقول بس
ما فيش فايده
افيدونا يا فندم
حسبنا الله و نعم الوكيل
ربنا يهدينا جميعا
الواحد مش لاقى تعليق على هذه المهزلة التى حدثت
اما كون انهم يتعدوا كمان على ناس محترمة فى ذاتها اى لا تثير اصلا اى حد , فذلك ما فاق الحد
حسبنا الله و نعم الوكيل
والله ان مش لاقي تعليق اقوله
اللهم ارحمنا
تعبت من كتر الكلام فى الموضوع دة يا مفلس بجد واللة
مش لاقية خلاص اى كلام اقوله
باتابع فى المدونات بس
الكل مصدوم
والكل مش مصدق
لكن لازم نصدق علشان نحاول نغير
لانه للاسف حصل
يادى النيلة
زى ما يكون باب السما كان مفتوح
لما باكتب فى نهاية كل بوست عندى
اننا داخلين على سنين سودااا
دى جات بدرى اوى
استرها يا رب
i`m just depressed
تصدقى ما بهزرش المفروض كل بنت تمسك اى حاجه تكون معاه فى شنطتها زى السبري او الصاعق بس بلاش حد يشيل مطاوى يا جماعه هههههههههه
انا يا بنتى فضلت اكتب فى الشرح علشان افهمك ازاى تضيفى لينكه وروحت اضيفه عندك ماقبلش الاضافه لان جزء كبير من الشرح بيحتوى على رموز غريبه والظاهر ما بتتقبلش ف الكومنت
نورتى المدونه
moslma
المشكله انهم حتى مش فرقوا بين محترم ومش محترم وحتى لو بنت ماشيه لابسه لبس خارج برضه ما يصحش يتحرش بيها ده ذنب كبير
ربنا يعافينا
مـحـمـد مـفـيـد
كلنا اتكلمنا ف الموضوع ده لحد ماكلنا بقينا مش لاقين كلام
لازم نغير من نفسنا علشان احنا كده بننحدر بسرعه كبيره للهاويه
شهروزة
ماكلنا تعبنا من الكلام بجد ف الحكايه دى
وانتى لازم تقولىداخلين على ايام سوده
ياختى طيب كنتى كتبتى مفلس هيبقى عريس قريب
كان جايز الدعوه استجابات
اخبارك ايه؟
تحياتى للجميع
لا حول ولا قوة الا بالله فعلا حاجة تحزن
مش عارفة الناس بقت كدا ليه دا فعلا ولا الغابة
حسبي الله ونعم الوكيل
ربنا يرحمنا
:(
مفيش حاجه ممكن تتقال فعلا غير حسبى الله و نعم الوكيل
ربنا يستر بجد على البلد ديه
فعلا الرجاله ماتوا فى الحرب
و لسه اللى جاى ربنا يستر عليه
احنا خلاص بقينا ممكن نتوقع اى حاجه ممكن تحصل مادام الكل دافن راسه فى التراب كده
و الله ما انا عارف اقول ايه
تحياتى
الصراحة انا تعبت من الموضوع ده .. كل يوم حكاوى جديدة .. و حاجات تحرق الدم اكتر من ماهو محروق ..
شعر رائع بعد اذنك احطه فى مدونتى ..
سها ..
كل ذنبهم ان فيهم هرمونات الانوثة ..
حسبى الله و نعم الوكيل
ثورة الهياج اللى قامت
قامت من همج ضمايرهم ماتت
واى راجل حر و شهم
النار ف عروقه قادت
----------
نجم يا ولدي نجم
حلوة قوي من القلب
تعالي زورني
والله يا فندم شرفنى جدا جدا ان أجد لينك لمدونتى عند سيادتك يا مفلس باشا
ولكن تم غلق البلوج وعملت بلوج آخر الكلام بلاش
اخيرا عملت لينك
والفضل لسيادتك
مفلس افندي
ربنا يسر علينا وعلى الي بيجرى في البلد
حسبنا الله ونعم الوكيل
واد يا مفلس
ازيك
ليك وحشة يا ابنى
فين البوست الجديد؟؟
This comment has been removed by a blog administrator.
تسلم ايديك يا باشا..
زوروني عندي حاجة مهمة
demaghmak.blogspot.com
مفلس افندى المختفى فى ظروف غامضة
الموضوع ده بقدر ما هو مسىء ومحزن ويشوبه الكثير من الغموض بين المصداقية والتهويل
الا ان مناقشته اساسا دلت على فكر خرب لدى الكثيرين
فكرة الانثى التى هى سبب كل خطأ يقع فيه الرجل
وكأن الرجل ولد ليكون سيد الارض واى اخطاء تحدث هى ليست وليدة يديه انما دفع اليها دفعا وان دل هذا الفكر على شىء فهو يدل على مدى الضعف الذى ألت اليه الرجوله
الرجل الذى لا يستطيع ان يهذب نفسه ويكبت غرائزه ويدرك الخطأ من الصواب والحلال من الحرام
ويلقى تبعية هذا على الكليب والافلام والفتيات المتبرجات
ما هذا الهراء ؟
اغلق التلفزيون عندما تشهد كليب لا يعجبك اليس هذا بسيط ؟
اغضض بصرك عندما ترى فتاه متبرجة
قوم اهل بيتك اولا
احصن نفسك بالخير والصيام
اعمل واجتهد بضمير حتى ترزق وتستطيع الزواج
هناك طريق قويم يتجنبه الشباب ليسقط فى الرزيلة ثم يبرر سقوطه فيها بأنه خارج عن ارادته
هقولك انك قلت الحل فى كلامك
عودة الرجولة وعودة اصحاب الدم الحار
لو كل مصرى راجل شاف المشهد ده وكان تدخل ودافع عن شرف بنت بلده مكنش ده حصل كان انحصر فى شرزمة وكانو اخدو درس لا يمكن ينسوه بس يا خسارة
يا ترى العيب على مين دلوقتى على الرجالة ولا على مين
تمام يا سيدنالافندي
لكن الحل فييين؟
داحنا هنشوف أيام سوده
انت فين؟
البوج اتحجز عيه و لا اية؟
تعالى تاني و احنا نلملك
وحشتنا
لما الغياب !!
المشكلة متعددة الاطراف زى الجعان فى محل حلويات والاكثر الاغراء والفالة الى بتحصل من الممثلين والممثلات والى بيقولوا عليها افلام هادفة ثم عدم التربية والمعاناة والضياع والانحراف والفراغ ودى هتكبر وتتفاقم لو متعالجتش وطول مافى ناس زى الى بيقولوا عليهم قدزة لينا وبيحلوا مشاكلنا الى من غير هدوم على طول وطول ما فيه شباب ضايع هتفضل موجودة
انت فيييييييييييين كل يوم ادخل ادور على الجديد بتاعك ما الاقيش
مستنيين الجديد منك دائما
مع انعدام الضمير الانسانى كل شئ ممكن سعارجنسى سعار سلطه سعاراسعار وغلى
انعدام الصمير الانسانى =انعدام الانسان نفسه
والله عندك حق وصمه عااااااااااااااار
الحاله اللى وصلها الشباب ده هى نتاج حاجات كتيييييييييييييييير أووووووووووووووووووووووووووووووووووووووووووووووووووى
بس أهمها بعدهم عن دينهم
تحرش جماعى دى مهزله بكل المقايس
This comment has been removed by a blog administrator.
فعلا وصمة عار لكن مش هنسكت تانى بقى كفاية كده
عند الشرف و اوعى لازم محدش يسكت
مافيش ادب
ولا نخوة
ولاشهامه
ولاضمير
انت يا ابني؟
انت كويس؟
فينك يا مان ؟
الشباب بقوا جزم اوى على فكرة
.........
النهارده كنت راكبه الميكرباص..واللى جانبى قالى الراجل اللى كان
قاعد فبلي كان مدايقك ولا حاجه......مش كلهم يعنى
...........
حلو جدا انك تبقي اب او اخ
او انسان على الاقل
......
عجبتنى كتابتك المرادى
زى على طول يعنى
هى دى الروح
كفايه غياب عن البلوج الجميل دا بئا وسيبك من الحيوانات وخليك ويه فى البنى ادمين هههههههههههههه
طولت الغيبه
أنت فين...لعل الشاغل خير
طمنا عليك...قصيده حلوه كده ربنا يخليك
اية يا سيدي فينك من زمان
قاطعت البلوج وبطلت كتابة ولا اية
يا رب تكون بخير
فينك؟
bsara7a ana 2al2ana geddan 3ala mofles afandy.da sade9 3azez 3alaya geddan wana ba3atelo kam resala maradech 3aliha w da mesh men tab3o.ya ret law 7ad 3eref 7aga y5abbarna.
بسم الله الرحمن الرحيم
أخاطبكم بصفتكم أحد أنشط بؤر التفاعل فى هذا الوطن , وأعلم أنكم توقنون كما أوقن ويوقن كل شريف مخلص فى هذا البلد أننا نعيش لحظة فارقة بين تاريخ وتاريخ , وأن ما هو آت أيا ما كان إنما يمثل نتيجة تفاعلنا مع هذه اللحظة الفارقة فى تاريخ مصر , وفى كل الأحوال تنحصر تلك النتيجة فى احتمالين اثنين فإما النجاح وإما الفشل , فان كان النجاح فقد انتقلنا إلى زمن لم نكن نحلم ببلوغه وذلك لتواضع أحلامنا دائما إذا ما قورنت بما لهذا البلد من قوة , وان كان الفشل فقد انتقلنا إلى زمن سنتحسر فيه على أيامنا هذه وذلك لتواضع إدراكنا بأبعاد ومخاطر الكارثة التى يحياها هذا البلد .
كذلك فلا يمكننا تجنب المخاطرة وتفويت هذه اللحظة الفارقة لأن عواقب استمرار الحال على ما هو عليه أخطر وأفدح من عواقب المحاولة والفشل .
وكونى جزءا من هذا الجسد المواجه بحتمية التحرك والمحاصر بهذه المخاطر والتهديدات فقد استعنت بالله وقمت بعمل بحث بعنوان ( ثورة الإخلاص وطريق الخلاص ) وهو بحث عن طريق نهضة مصر والعرب وصيغة العقد الاجتماعي المرتقب , اعتمدت فيه على حسابات العقل والمنطق المجردة من الهوى والمصالح الشخصية لضمان الوصول إلى النتيجة الصحيحة التى لا يمكن لعاقل ردها .
وعلى ذلك فهذا البحث وفى أفضل الأحوال قادر بفضل الله وحده على توحيد الصف المصري خلف فكرة قائدة واحدة تنجو به من هلاك محقق وتنهض به إلى ما يستحق , وفى أسوأ الأحوال فهو قادر على ترشيد التفاعل بين القوى الوطنية أفرادا وجماعات من خلال مناقشة بعض المواقف المشكوك فى إخلاصها أو ولائها أو إدراكها للواقع الذى نحياه .
ولكونكم أحد أنشط بؤر التفاعل فى هذا الوطن فأنا أهتم كثيرا باطلاعكم على هذا البحث الذى نشر فى كتاب وتقوم بتوزيعه وكالة الأخبار ويمكنكم زيارة المدونة المسجل عليها البحث من خلال العنوان التالى :
http://www.thawrtalekhlas.blogspot.com /
وفقنا الله وإياكم لما فيه خير البلاد والعباد .
والسلام عليكم ورحمة الله وبركاته .
انت غبت قوي
انت فين؟
انشر
يسرني ان اتقدم بخالص التهاني وأطيب التمنيات بمناسبة حلول عيد الأضحى المبارك اعادة الله علينا وعليكم بالخير واليمن والبركات ، وكل عام وانتم والأسرة الكريمة بخير
kol sana wenta tyb
الكلام ده فعلا حصل من العيد اللى فات .. بس انا لغاية دلوقتى بجد بخاف انزل الشارع ومش بنزل غير عشان اروح الكلية او أجيب طلبات للبيت فى أضيق الحدود ... بجد عندى حالة خوف غير طبيعية .. ربنا يسترها عليكى يا مصر .. حسبنا الله ونعم الوكيل
الى حصل ده شئ طبيعى جداً و كان لازم يحصل لان ده نتاج سياسه 50 سنه من الاحباطات و الديكتاتوريه المقنعه و جه وقت الحصاد
خير
خير
خير
خيرفينك يا عم مفلس
الوووووو
يا عم مفلس
تعالي و نسلفك طيب
يا لهوي انت رحت فين يا عمنا؟
يا رب تكون بخير
يا مزاجك العالى
الكبار قالوها خالى الشعب يعيش
بص مادم مقالش حاجه تزعلهم يبقى....................
بس اسلوبك نار والله انا كنت سرحت وحسيت ان الى كاتب نجم ولا جاهين
تسمحلى اضيف مدونتك عندى
مستنيك تشرف المونه عندى بزارتك الجميله
المرضي النفسيون في كل مكان اخ يتحرش بأخته جنسيا واب يعتدي علي بنته جنسيا أو يسلمها لأخر يعتدي عليها جنسيا من أجل شمه هيروين
دول مرضي موش أسوياء
This comment has been removed by the author.
الصراحه بحسددك ع سلاسة اسلوبك
والكلمات ماشيه معاك زى العجينه بتشكلها زى منتا عايز
وم الطريف انى ااقرى قضيه شديده زى دى مكتوب باسلوب لطيف زى ده
بعيدا عن شوية الحسد والحقد دول
الموضوع طبعا مش هنفضل نتكلم ونعيد ونزيد فيه
م اعلام هاتتتف
للبس بنات هاتفففف
لمفيش جواز هاتتتتتتف
لطاقه وشباب هينفجر
فلازم يتصرف طبعا
تحياتى
Post a Comment
Subscribe to Post Comments [Atom]
<< Home